Toooo busy

Завгүй ээ, завгүй

саяхан , сараас өнгөрсөн 7 хоног хүртэл утасаар болох интернэтээр арбайт хийлээ. Жуулчдад зориулсан гестхаус захиалга утасаар болон интернэтээр авдаг. Өдөрт 100 удаа утас дуугарна, байнга мэйлээ шалгана. Энэ Солонгосчууд чинь элий балай хүмүүс ихтэй юм байна ш дээ, интернэт захиалга хийгээд 1 мин бололгүй залгаад миний захиалга орсон уу гэж асууна, нэг бол шөнө 12 болж байхад залгаж тэнэгтэнэ. Сүүлдээ захирал  эмээтэйгээ муудалцаад гарсан. Орлого бага ороод байхаар нь надад цалин өгөх хайран санагдсан уу гэнэт муухай аашилаад намайгаа хөөж гаргаад. Уг нь манай дүү эрсээпшн хийдэг байсан юм, цалин сайтай, хичээл хийх завтай дажгүй ажил байсан хайран юм хаха. Одоо дүү дахиад ажил хайгаастай, би бас яаж зүгээр суухав утасаар хийчих арбайт хайж байгаа. Сарын 200, 300 ногооны ажил олдчих байхаа. 

Галзуурах шахав ш дээ

Би их түргэн ааштай, холерик хүн. Хавар болоод хувийн хувьсгалын ажил нэг л өөдлөхгүй уур хүрээд, стресстэй байгаа, тэрнээс болоод уу толгойтой үс атга атгаараа унаад  л байна. Тайвшрахаар эргээд ургах байхаа. 

Энэ надтай их адилхан зураг байнаа хэхэ
яг ийм шил зүүдэг, саяхан яг ийм улбар шараар үсээ будсаан хаха

Туршилтын үр дүн гарахгүй, давтан хийсэн нь хариу нь зөрөөд. Багш чи туршилтаа буруу хийж алдсан байна, чиний буруу наад үр дүнгээ шууд хая гэнгүүт галзуурахад ганц хуруу дутуу байсан би чинь дэлбэрээд. Багшийн өөдөөс та мэдэхгүй байж юу гээд олон юм яриад байгаан гээд хэлчихсэн. Бүтэн жил хийсэн ажилыг минь хая гэхээр уур хүрнэ биз дээ. Энэ ажилыг хийхийн тулд би ямар их юмаа золиосолж байгааг мэдсээр байж тэгж хэлэхээр нь ямар их гомдовоо. 

үнэндээ бол ингээд л байж байна даа

7 хоног дүрэлзэж яваад сая л нэг тайвширлаа ш дээ. 

Энэ он дуусахад бүх юм сайхан болноо. 

Сониноос би 2 долоо хоногийн өмнө 30 нас хүрээд ээ. 30 хүрлээ гээд нэг их сэтгэл санаа хямарч барихгүй л байна, харин ч нас явж байгаад баярлаад байгаа ш дээ. Цаг хугацаа явах тусад урд минь тээглээд байгаа олон асуудлууд нэг тийг шийдэгдэнэ гэж итгэж байна. 

Одоогоос 10 жилийн дараах өөртөө захиа бичнээ. 10 жилийн дараа 2 давхар ганган байшинтай, гадаанаа гоё машин сойчихсон, хүмүүстэй тианилцахдаа доктор, их сургуулийн профессор, судалгааны багийн дарга гэсэн албан тушаалтай нэрийн хуудас өгөөд сууж байх болтугай гэж. Зарим нэг хувийн шинжтай мөрөөдлөө өөртөө үлдээчий. 

Туфлээ богино долгионы зууханд шарж үзсэн үү???

Би гуталаа богино долгионы зууханд шарж үзлээ. Утаа ханхалаад гоё сунадын байнаа. Гэхдээ туршиж үзсэн хүний хувьд дэмий гэж зөвлөмөөр байна.

Өнгөрсөн долоо хоногт Солонгост ургацыг баярыг тохиолдуулан их дэлгүүрүүд хямдралаа зарлаж, далиманд нь авахаар төлөвлөсөн хэдэн хувцасаа авлаа. Жирмээ байхаасаа л Кинон дээр гардаг ганган хүүхнүүдийх шиг нээх гоё улаан өнгөтэй өсгийтэй гутал авах юмсан гэж мөрөөдсөн. Өнгөрсөн хагас сайнд дэлгүүр хэсэж явтал дэлгүүрийн гуталын тасагт хайгаад байсан улаан туфли маань сайн уу гээд хямдарсан үнээ гайхуулаад үзэгслэнтэй нь аргагүй гялалзаад зогсож байв, мэдээж аваад гэртээ харилаа. Маргааш нь гэрийхээ ойролцоо дэлгүүр гарахдаа өмстөл хөл холгоод, 10 мин хооронд хөл хэд хэдэн газар цэврүүтээд, шалбараад цус шүүрээд уйлнагаа алдаж орж ирлээ. Зун эхлэх үед авсан нэг ганган шаргал туфли маань бас урдаараа бариад байсан, 2-ланг нь аваад гуталчин ороод сунгуулах гэсэн чинь цагааныг нь сунгана, ганган улааныг маань сунгахгүй гэнээ. Цагаанаа үлдээчихээд улаанаа чирээд сургууль дээр ирээд нэтээс багадсан гутал сунгах арга хайлаа, гэрийн нөхцөлд гуталаа сунгах нэлээд олон арга байдаг юм байна. Тэд ний нэг нь гуталаа богино долгионы зууханд хийгээд 30 сек эргүүл гэсэн байлаа. Ер нь охидуудад маань энэ аргууд хэрэг болох байхаа гээд бүгдийг нь оруулья.

Нэг үхэрийн эвэх доргивол мянган үхэрийн эвэр доргиноо гэж

8 сарын сүүл, 9 сарын эхээр нэг сар амьсгаа дээгүүр өнгөрлөө.

Бичиг цаасны хөөцөлдөх ажил барагддаггүй юм байнаа. 

Дүүгийн бүх бичиг баримтыг бүрдүүлээд хэлний бэлтгэлд нь бүртгүүлэх гэтэл Монгол гэх мэт 21 улсын их сургууль төгссөн гэрчилгээг тухайн улсыхаа гадаад явдалын яаманд Apostille хийлгэ гэнээ. Манайхаас хуурамч дипломоор сургуульд элсэх нь их байдаг, ноднин нэг сургуулийн 10 гаран хүүхэд хуурамч дипломоор сургуульд орсон нь баригдаад шүүх цагдаа болж болоод бүгд буцсан байх.

Энд байгаа манайхан өмнөөс нүүр улаймаар хэрэт орооцолдоно. Хоморгонд нь мөрөөрөө амьдрах гэж зүтгэж байгаа бид мэт нь хохироод хөлд нь чирэгдэнэ. 7 хоног бүрийн мэдээгээр Монголчууд гэмт хэрэгт холбогдсон тухай гарна. Саяхан нэг гэр бүлийн аялалын ВИЗа-аар орж ирээд их Сөүлд их дэлгүүрт хулгай хийж байгаад баригдсэн хэрэг гарсан. Бүүр дэлгүүрийн хяналтын камерын байршил заасан схем зурагтай, хулгайлсан бараагаа дэлгүүрийн хаалгаар гарахад дохиололд баригдхааргүй мөнгөг цаасаар доторлосон зориулалтын цүнхэнд хийчихсэн байгаам. Эхнэр нөхөр 2 7 настай хүүгээ дагуулаад хулгай хийж байгаад баригдсан нь хамгийн эмнэгэнлтэй.

Бас сарын өмнө Сөүлээс холгүй Сувон хотын төв гудамжаар Монгол залуу зөрсөн бүх хүүхнүүдийн биенээс базаж байгаа бичлэг онлайнаар цацагдаж эрүүгийн хэрэг үүсгэсэн. Хохирогч хүүхнүүдийн нэг нь тэр залууг барьж аваад, араас нь бичлэг хийж явсан Солонгос хосууд бичлэгээ нотлох баримт болгож өгсөн байсан. Улаанбаатарын гудамжаар явдаг шигээ санасан байх даа.

Би буруугүй

Би буруугүй ээ гээд өөрийгөө эцэс төгсгөлгүй өмөөрдөг хүмүүс байх юмаа. 

Би юу ч буруу хийгээгүй, тэр намайг уруу татсан, чөтгөр намайг хоролчихлоо, Би тэгж бодсон чи ойлгохгүй байна ч гэх шиг. 

Ээ бурхан минь, бодоод бодоод бодын шийр 4 гэдэг шиг ч тийм хүмүүсийг ерөөсөөөөөө ч ойлгодоггүй ээ. Хүн амьдралдаа алдаж эндэхгүй, дандаа зөв бодож, зөв алхам хийж амьдрана гэж юу байхав дээ. Алды ш дээ, мэдээж хэрэг. 

Нас ахиад аливаа юмны наадах цаадахыг арай нухацтайгаар боддог болоод нэг ийм зүйлийг маш сайн ойлгож авлаа. Хүн Амьдралдаа зөв зүйл хийхээс илүүтэйгээр алдаагаа ухаарч, түнийхээ хүлээн зөвшөөрөх хамгийн чухал байдаг юм байна. Өөрийгөө өмөөрдөг хүмүүсээс болоод эргэн тойрны хүмүүс их зовох юмаа, зүгээр зайлуулаад хаячихмаар санагдах юм. 

Сүүлийн үед сэтгэл судлал, хүүхдийн хүмүүжилийн тухай их сонирохдог болсон. Хүүхэдээ яаж хүмүүжүүлэхээс түүний бүх насны амьдрал, эцэг эхийн насны бөгсөн дэхь амьдрал ч шийдэгддэг юм байна. 

Хүүхдийн хүмүүжил хэдэн наснаас эхэлдэг гэж бодож байна?

Өөрчлөн шинэчлэлт

Заа хүүхнүүд бид түрийвчний зузаан нимгэнээс үл хамаараад гоё ганган гялалзсан зүйл харахаараа баясдаг хүмүүс дээ. Нөгөө Өлдийхүүгийн мөнгөтэй ч байсан мөнгөгүй ч байсан ядарч унаталаа дэлгүүр хэсэх шиг сайхан зүйл алгаа гэдэг шиг дэлгүүр хэсэх бол миний ганц сайхан хобби, стресс тайлах арга байлаа охиноо гарахаас өмнө.

Бодоод байсан чинь би жирмээ болсоноос хойш их хувцас хунар гоёл чимэглэл аваагүйн байнаа. Хувцаснууд маань нэгд их хуучирч, тоо толгой нь ч цөөрсөн байна.  

Хамгийн гол нь цөөхөн хэдэн хувцас маань хоорондоо зохицдоггүй учираас хэдхэн хувцасаа барьж өмсөөд байдаг байжээ. Саяхан Эднагийн зөвлөгөөг уншаад л мэдлээ. Сургууль гэрийн хооронд холхидог, байнга лаб-д суудаг надад аль болох биед эвтэйхэн, ганган дэгжин бус хувцас өмсөх хэрэгтэй байдаг. миний шүүгээнд лаб-д өмсөх боломжгүй хувцаснууд голдуу байнаа.

Тэгээд энэ блогоос жаал зөвлөгөө зураг үзээд энэ онд багтаж өөрт авах хувцасныхаа жагсаалтыг сая гаргалаа. Авах мөнгөгүй ч гэсэн зугаатай ажил байлаа шүү, нэлээд интернэт дэлгүүр хэсэж нүдээ хужирлав, дэлгүүр хэссэн юм шиг сайхан боллоо ш дээ. 

Эдийн засагийн хувьд ч нарийн төлөвлөгөө гаргаад 12 сар хүртэл сардаа 100$-т багтааж графикийн дагуу хувцаснуудаа авнаа. Одоогоор 3 улиралын гадуур дотуур хувцас, гутал, гоёл чимэглэлтэйгээ нийлээд бүгд нийлээд 800$  болж байна, шуналтай байна уу?????

Ер нь эмэгтэй хүн өөрийгөө гоёж гангалж, дэгжин байа ёстой юм байнаа. 

Шийдвэр

Би аливаа асуудалыг худалч хүнд бараг 10 ин дотор шийдвэрлэдэг, ямар ч чухал асуудал байсан хамаагүй үсрээд л 30 ин. Хэлсэнийхээ дараа, хийснийхээ дараа боддог, алдсан ч бий оносон ч бий.
Гэтэл үүн шиг шийдэхэд хэцүү, эргэлзээтэй, олон сараар бодол болсон асуудалтай тулгарч байсангүй, ер нь бол эргэн тойрны хүмүүс миний шийдвэрийг дэмжиж байгаа ч би нэг л тууштай шийдэж чадахгүй л байна. Яасан нь дээр вэ?????
Ирээдүйг харж чаддаг бол ч......

Хэрэг алгаа, он гараад хагас жил өнгөрчихөж ээ

Он гарсаар дипломын туршилтаа тууштай эхэлсэн юмсан.

 

манай багш сургуулийхаа 2 тэнхимд багшилдаг, Байгалын ухаан, нөгөөх нь миний сурдаг Соёлын өвдийн судлах тэнхим. Тийм болохоор 2 эрс өөр чиглэлийн судалгаа нэг лаб-д хийнээ. Багш өөрөө байгалын ухааны хүн боловч түүх соёл, ялангуяа генетик хүнийхээ хувьд Солонгосчуудын гарал үүсэлийн тухай судалгаа хийх сонирхолтой. Солонгосчуудын гарал үүсэлийн тухай төсөл одоо манайх хэрэгжүүлж байгаа. Нөгөөх төсөл нь хавдрын эсийг генетик, EGCG гэдэг ногоон цайнд агуулагдах эм, DNA methylation, ephigenetic чиглэлийн судалгаа хийдэг. Энэ төсөл дээр нь 2 доктор, 3 мастер оюутан ажилланаа.

Солонгосчуудын гарал үүсэлийн төсөл дээр би ганцаараа. Мэдээж хэлний мэдлэгээс болоод бичиг цаасны ажилыг би хийхгүй. гэхдээ туршилтыг ганцаараа бүгдийг нь хийнэ ш дээ. Нэг эртний хүний яснаа ДНК ялгах хэцүү, бохирдчихвий гэсэн мөнхийн айдастай, над шин сарр дарр гэсэн түргэн гартай хүн туршилт хийнэ гэдэг бүр амаргүй ш дээ.

Солонгос хөрс хүчиллэг, чийг ихтэй учир булшнаас гарсан хүний яс тамхины үнс шиг зөөлхөн болчихсон байдаг ДНК бараг хадгалагдаж үлдэхгүй. Митохондрийн ДНК гарвал их юм, багш У-хромосомийн гаплогруп үзнэ гэж зүтгэнээ, туршилт хийж байгаа би боож үхэх шахна, хэдэн 1000 копитой митохондри ДНК гарахгүй шахам байхад, дан копи У гарах уу???

Узбек ясан дээр бас ажилланаа, гэхдээ Узбек дээж нь дандаа шүд, энэ удаа би туршилтан дээр алдсан уу яасан нэг ч PCR болохгүй байгаа, урьд жилүүдэд их сайн гарч байсан ДНК энэ жил ерөөсөө гараагүй, би гайхшаа бараад л сууж байна.

Эцэст нь манай Монголын хэдэн яс маань сайхан шүү дээ, урамтай эхний оролдлогоор бүгд гарнаа, митохондри бол инээж байгаад хийнэ, Амелоген, У хромосом, бүүр Automal STR, Y_STR  хийнэ, бүгд бараг 70% гарна шүү дээ. Манай Монголын хөрс хүчил багатай, чийгшил бараг байхгүй болохоор тэр үү үнэхээр чанар сайтай, ДНК үлгэрийн юм шиг л гардаг юм.

Би дан ганц өөрийхөө дипломын ажилыг хийвэл өдийд дуусчихсан байхгүй юу, нэг юм нь болохгүй бол учирыг нь олох гэж оролдсоон байтал нэг мэдэхнээ нэг сар, 2 сар өнгөрчихсөн байх юмаа.

Ядаж доороо нэг оюутай байсан бол хэдэн типээ савлуулаад, ойр зуур ажилд зараад сууж байхгүй юу. Типээ хүртэл хамаагүй хүнээр савлуулахгүй ш дээ бохирдуулчихана гээд, манай туршилтын өрөө битүү, цонх ч байхгүй, нэг агаар оруулдаг сэнстэй, хүнгүй үедээ UV байнга асаалттай, эртний ясаа орчин үеийн хүний ДНК бохирдчихоно гээд хамааагүй хүн ч орохгүй. Туршилт хийхдээ нинжа шиг хувцастай л сууна шүү дээ хэхэ. Нүдээ ч хамаагүй гаргахгүй, гай болж сормуус унаад Clean bench-руу орчихвол яана хэхэ.

Ганц өөрийхөө юмыг хийх юмсаа, энэ Солонгос, Узбек яснаас дахиад л ДНК ялгаад дахиад бүх туршилтаа шинээр хийдэг байхдаа одоо. гэтэл миний SCI өгүүлэлээ бичиж дуусгах цаг болоод байдаг хмммм

Он дуусахаас өмнө сенсаци болохуйц нэг час хийсэн сайхан өгүүлэл гаргачихаад эндээ тавинаа гэж мөрөөдөөд л суужина.

 

Хажуугаар энэ толгой одоо яасан их юм боддын. Юмаа хийхийн оронд элдвийн юм бодогдоод бөөн стресс явах юмаа, хэт хувийн асуудал болохоор олонд дэлгээд байх хаашаа ч юм бэ дээ.

Эхнэр байх хэцүү байнаа

Энэ тухай бичих гээд бодоод л яваад байлаа. Зөвхөн миний хувийн шүү

 

Эхнэр болсоноос хойш анзаардаггүй байсан олон зүйлээ анзаарлаа, олон ч зүйлтэй нүүр туллаа. Тэгээд доорх бодол төрлөө л дөө. Эхнэр байх, ээж байна гэдэг үнэхээр амаргүй ажил юмаа. Жам болохоор хүлээн зөвшөөрнө гэхэд бас хэцүү байнаа. Ер нь бол би хувьдаа дахиж хүүхэд гаргах бодолгүй байгаа. Яахав нэлээд хэдэн жилийн дараа охиноо бодоод дахин нэг хүүхэд гаргах л байх даа, одоохогдоо дахиж хүүхэд гаргахгүй гээд шийдчихсэн.

Ээж минь 4 хүүхэд төрүүлж тэднийхээ төлөө бүх насны амьдарлаа зориулсан, 40 гарсан хойноо л ажил хийж эхэлсэн хүн шүү дээ. Айлын эрх охин байсан ээж маань 2 наснб зөрүүтэй 4 хүүхэд, нэг нь хүнд өвчтэй, дээр нь гэрийн бараа хардаггүй нөхөртэй, гадаа гарч эр, гэрч орж эм болсоор залуу насаа үдсэн. Нэг бодолын ээжээрээ бахрахдаг, баярладаг ч гэсэн, адилхан эмэгтэй хүнийхээ хувьд өрөвдмөөр санагддаг.

 

Сүүлийн үед амтай болгон л айл гэрийн өнгө, аз жаргал, өөдтэй өнгөтэй явах эмэгтэй хүнээс хамаарна. Эмэгтэй хүн арчаатай, сэргэлэн, ажилтай байвал нөхөр нь аз жаргалтай байна, өөр хүүхэн ч гэж гүйхгүй гэх аятай зүйлс байнга яригдах болжээ.

Эхнэр хүний цээрлдэх ёс, эхнэр хүний баримтлах зарчим л гэнэ. Сорхогтань хатны ухаан гэнэ, Монгол хатан ухаан л гэнэ. Хүүхнүүд биднээс ар гэрээ авч явахыг, үр хүүхдээ асарч хүмүүжүүлэхийг, мөнгө олохыг гээд яасан их юм шаардана вэээээээ Өө тийм бас дээр нь дандаа гоо сайхандаа анхаарч, сайхан бай гээд байгаа.

 

Монгол хаан ухаан, эр хүний цээрлэх ёс, Чингий хааны хүмүүжилийн сургааль гэж яагаад ярихгүй байнаа, уг нь Монгол ёсонд эр хүний цээрлэх ёс, эрхэмлэх ёс энэ тэр гээд байдаг ш дээ, тэр бүхэнийг яагаад дурьдахгүй байнааааааа???????

 

Нэг үгээр хэлэхэд эмэгтэй хүн нэг хар юм олж аваад үр хүүхэдийг нь гаргаж, өсгөж, орон гэрийн ажилаа хийгээд, мөнгө олоод, дээрээс нь сайхан байх ёстой болчоод байна даа.

 

Саяхан Нүүр номоор нэг эмэгтэй нөхөрөө араар нь тавьж байгааг барьсан бичлэг тарсан даа. Тэрний доор бичсэн сэтгэгдэлүүдийн дийлэнх нь хөөрхий эхнэрийг буруутгасан байна. Гоо сайхандаа анхаарахгүй, арчаагүй байсан болоод нөхөр нь ингэж явсан биз, эр хүн ганц алдаа л биз, уучилчихад яахав дээ, орон гэрийхээ асуудалыг олонд дэлгэлээ, нөхөрийхөө нэр хүндийг унагалаа, бас нэг хэсэг эрчүүд энэ хуцаа залуу байна, хужаа нөхөртэй суучихаад араараа тавиулаа хохино, монгол залуутай суусан бол ингэхгүй ш дээ гэсэн утгатай сэтгэгдэлүүд. Нялх хүүхэдтэй ээж холливудын одод шиг сарын дотор эргээд сайхан болох уу????

Сайхан байхад нь авч сууж хүүхдээ гаргачихаад ядараад царай алдахаар нь арчаагүй гээд эхнэрээ араар нь тавих нь зөв үү таминь ээ!!!!!!

Эсрэгээрээ эхнэр нь нөхөрөө араар нь тавьж байгаад баригдсан бол бүгд нэгэн зэрэг эхнэрийг нь буруутгах байсан байх даа.

 

Нэмээд хэлэхэд гэр бүлийн хүчирхийлэлд эмэгтэйчүүд хүүхнүүд хамгийн ихээр өртөнө.

 

Бас эргэн тойрны хэд хэдэн эрэгтэй хүнээс эмэгтэй хүн эр хүний холч ухааны гүйцдэггүй гэдэг үг сонссон юм байна, яаж толгой нь эргэхээрээ тэгж боддог байнаа.

Эр хүний байр суурь, гэр бүлдээ хүлээх үүрэг хариуцлага хаана байнааааааа?????

Гол шалтгаан нь гэрийн хүмүүжилд байнаа. Ээжүүд маань хөвгүүдээ уламжлалт аргаар хүмүүжүүлээд байх шиг. Саяхан Гоолингоогоос нэг хадам ээжийн бичлэгийг уншлаа. 3 сайхан хүүтэй, том хүүгийхээ эхнэрийг буюу анхны бэрээ л магтаад байнаа. Тэр ээж эр хүний хийморь сүлд доройтно гээд нөхөр, хөвгүүдээрээ огт гэрийн ажил хийлгэдэггүй, бэрийгээ ч тэгэхийг шаарддаг, эр хүний хувьд 00 угаана гэдэг байж боломгүй асуудал маягтай юм бичсэн байсан. Өөрийхөө суусан 00-г яагаад угааж болохгүй гэж, эмэгтэй ч гэсэн бид бас л хүн, хийморь гэж байхгүй гэж үү?????

Тэр ээж хүүгийгээ өрөөнл ортол хүү нь эхнэрийхээ өвдөгийг дэрэлчихсэн, бэр нь нөхөрийхөө толгойтой үсээр тоглож байхыг хараад боож үхэх дөхсөн гэнэ, эр хүний толгойд хамаагүй хүрдэггүй гэнээ. Тэгээд том хүний ажил хийхдээ яах болж байнаа, толгойд нь хүрэхгүй байх уу???? хэхэ

 

Миний бодлоор эхнэр нөхөр гэдэг Монгол гэрийн 2 багана. Монгол гэрийн 2 багана хэзээ ч бүдүүн нарийн, урт богино байдаггүй яг адилхан байдагтай адил эхнэр нөхөрийн гэр бүлд хүлээх эрх үүрэг, хариуцлага яг адилхан байдаг гэж би хувьдаа боддог.

Эхнэр нөхөр 2 би эмэгэтй хүн, би эрэгтэй хүн ингэж ёстой тэгэх, чиний буруу миний зөв гээд аливаа асуудалыг шүүгээд эхэлбэл гэр бүлийн харилцаа эрүүл байж чадахгүй.

 

Саяхан бас иймэрхүү асуудлаас болоод нөхөртэйгээ тар түр гээд авсөөн.

 

Анх нөхөртэйгээ сууж байхад надаас түрүүлж гэр бүл болсон найзууд, таньдаг эгч нар маань бүгд эрчүүд давардын шүү, битгий их давраагаарай гэж бүгд хоорогдоо тохирсон юм шиг захиж байсан нь санаанд ороод тэр үед ортой л хэлж дээ гэж бодож байлаа шүү дээ, хэхэ

 

Өө тийм гэр бүл салалт яасан их байнаа, манай бага дүүгийн ангийн 3 охин гэр бүлээ цуцлуулж байгаа гэж байх юм, 21, 22той хүүхдүүд хэдийдээ хүнтэй суугаад хэдийдээ салаад амждаг байнаа.

 

Ойрдоо олон асуудлууд давхцаад жаахан бухимдалтай яваа болохоор ийм нийтлэл хийчлээ, зөвөөр ойлгоорой уншигчидаа гккк

 

 

 

2013 оны төлөвлөгөө

Шинэ оны мэнд

Энэ онд өөртөө маш өндөр шаардлага, зорилгуудыг тавихаар шийдэв. Ер нь бол 2018 он хүртэл амьдарлын төлөвлөгөөгөө аль хэдийн бичээд тавьчихсан л даа. Түүнээс зөвхөн 2013 оны төлөвлөөгөө бичээд тавьчихая. Ер нь ажилаа төлөвлөх дуртай, хэнэггүйгээсээ болоод биелэлт нь 100% байдаггүй л болохоос.

1. Өглөө 6-д босож хэвших, энэ онд хийх ажил их байгаа учираас өглөө эрт босож төлөвлөгөө биелэх нөхцөл бүрдэнэ. Энэ онд миний хувьд амралт байхгүй, оны эхний өдөрөөс ингээд бодчуул амрах юмсан, ядарч байга гэх мэтийн дэмий бодол толгойд орж ирэхгүй амар.
2. Оны эхний хагас жилд амжуулж Доктороо төгсөх. SCI өгүүлэл 2-р хэвлүүлэх. Нэг нь туршилт нь 90% дууссан. Одоо бичих л үлдсэн. Бичих л хамгийн чанга ажил байна. Гэхдээ 1 сарын дотор багтааж сэтгүүлдээ өгч байж төгсөх боломжтой болох юм.
3. Мөнгө санхүүгээ маш нарын төлөвлөж хэвших, илүү зардал гаргахгүй байх. Ер нь их сул гартай, олдууд яаж үрэх вэ гэдэг бодол эхэлж толгойд орж ирдэг. Энэ дутагдалаа 100% гэж үзвэл 50% зассаан. ХЭНЭГГҮЙ зангаа засах, энэ бас 50%-тай явж байгаа. Үрэлгэн, Хэнэггүйгээс хоёроос болж багагүй мөнгө (зарим нэг хүнд их биш байх л даа) цаг хугасаа, олон ч сайхан боломж алдсан. Цаашид алдахгүйн төлөө засарнаа. Үүнээс ганц миний ч биш гэр бүлийн маань ирээдүй шууд шалтгаална.
4. Оны сүүлийн хагаст нэг зүйл төлөвлөсөн байгаа. Гэхдээ нууц, болохоор нь бичнээ. Үүний талаар хүн хартай ярьж тохирсон, бодсон санасан зүйл бий. Төгссөнийхөө дараа түүндээ ханцуй шамалан орноо. Зурхай дээр (огт итгэдэггүй ч энэ жилийн зурхай бодсон төлөвлөсөнтэй таараад, сэтгэлд их нийцсэн хэхэ) оны сүүлийн хагаст ажил үйлс бүтэмжтэй гэж бичсэн байна лээ.
5. Өөртөө бага зэрэг анхаарал тавих. Төрсөнөөс хойш өөрийгөө байнга сүүлийн байранд тавиад байсан нь буруу юм билээ. Ядаж л орой нүүрээ угаалгүй унтах хэвийн үзэгдэл болсон байсаныг залруулсан. Өдөрт ядаж 20-30 мин дасгал хийх. Хааяа нэг ганцаараа гадуур гарч дуртай музейнүүдээ эргэх (мэргэжилйин өвчин юм даа, нэг үзсэн музейгээ хэдэн ч удаа давтан үздэг хоббитой. УБ-д байдаг баранг бүх музейг 5-с дээш удаа үзсэн хүн дээ) гэх мэт.
6. Бас бус амжуулах ажилууд бий.
7. Бас нэг юм нэмэхээ мартаж. Үгүй гэж хэлж сурах. тус болчий гээд за гэчихлэг, гэтэл тэр нь миний цаг зав, хэр хэмжээнээс хэтэрсэн юм байж таараад биелүүлж чадахгүй эсвэл удаадаг, нөгөө хүмүүс нь намайг хулхи нөхөр гэж ойлгоолд үлддэг. Сүүлийн нэг жил дандаа тийм байлаа. Одоо эрс шийдэмгий үгүй гэж хэлж сурнаа.

Бүгдийг нь биелүүлнээ. 

Мөрөөдлийн байшин

Ирээдүйд амьдрах байшингаа яг иймээр төсөөлдөг байлаа. Зурж чадахгүй болохоор дотороо бодоод явдаг байв.

Гэтэл манай дүү яг миний мөрөөдлийн байшинтай адилхан байшинг зурчихсан байх юм. Бяцхаан цэцэрлэгтэй, том саруул цонхтой. Дотороо олон таван нүсэр тавилгагүй, хэрэгцээний хэдхэн шүүгээ савтай. Цонхоор тусан нарны тусгал дээр нь хүүхдүүдтэйгээ зэрэгцэж хэвтээд, өнхөрч тоглоод. Зуны өглөө цэцэрлэгтээ өглөөний цайгаа уугаад, өвөл цасаар цасан хүн хийж тоглоод. Өвөө эмээ болсон хойноо амралтын өдөрөөр ач зээ нараа авчирч тоглуулаад, гарыхаа амттангаар дайлна даа.

Бие, сэтгэлээ хайрлайж яваарай

Энийг уншиж байгаа уншигч та бусдад таалагдах гэж амьдардаг уу өөртөө таалаглах гэж амьдардаг уу? Өдөрт таны хэлсэн үг, хийсэн үйлдэлийн хэдэн хувь нь бусдад таалагдах эсвэл бусдын сэтгэл санааг аятайхан байлгахын тулд хийдэг вэ??? 

Хүний амьдрал хамгийн түрүүнд өөрт нь таалагддаг байх ёстой, хэлэхийг хүссэнээ хэлж, хүссэнээ өмсөж, хүссэн ажилаа хийж, сэтгэлээ уудалж амьдрах ёстой. Эргэн тойрны хүсүүстээ таалагдах гэж, намайг юу гэж хэлэх бол эсвэл сэтгэлийг (хайртай хүмүүст хамгийн их хамаатай) өвтгөчих вий гэсэндээ сонсохын хүссэн үгийг нь хэлж, харахыг хүссэн зүйлийг нь харуулж, дургүй зүйлээ дуртай юм шиг хийж, худлаа үнэн инээж байсан уу???

 

Мэдээж бусдын сэтгэл санааг бодолцолгүй яахав гэхдээ өөрийгөө хамгийн түрүүнд бодох ёстой юм байна. Өнгөрсөн хэдэн жид бусдад санаа тавьсаар өөрийгөө мартжээ би. Амандаа орсоноо хэлж, хүссэнээ мөнгө хайрлахгүй авч (тэтгэлэгээ сайхан ч үрдэг байсан даа), уйлхадаа уйлж, баярлахдаа баярлаж, уурлахдаа ууралчихдаг хүн байсан. Одоогийн профессорыхоо өөдөөс нь хар суугаад гараа энгэртээ зөрүүлэнгээ яагаад??? та буруу яриад байна ш дээ гэж хэлсэн ганц шавь нь би байлаа. Багш ч бусад оюутнууд ч нүдээ орой дээрээ гартал гайхаж байлаа. Одоо болтол тэр тухай ярьж инээлддэгийн манайхан. Сургууль дээр анх удаа энгэртээ нэлээд гүн ухлаадастай цамцыг анх би л өмсөж байлаа. Анх энд ирж байхад одооноос өөр байлаа, бүх оюутнууд халуун зун ч хоолой боосон битүү цамцтай, өвдөгөөр татсан юбка хамгийн богино банзалд ордог байлаа ш дээ. Одоо бол өөр л дөө, хошногоо гарах шахсан даашинзтай охидууд гүйлддэг болсон.

Би өөрийгөө урьдын хэвээрээ байгаа гэж өнөөдөрийг болтол бодож байлаа. Гэтэл удаан уулзаагүй найз маань надад миний ямар өөр болсоныг санууллаа, чи ийм байгаагүй ш дээ гэж уулга алдахад нь гайсаан. Би хэвээрээ л байна ш дээ гэж хэлсэн ч дотороо бодлоо. Дэндүү аймхай, хэлэх гэсэн үгээ дотогш нь залгиад чимээгүй сууж байлаг болчихсоноо, дуртай зүйлсээсээ дандаа татгазлдаг болсоноо сая л анзаарлаа.

Олон жилийн өмнө Солонгост сурах болоод явахаасаа өмнө унаган багын найзтайгаа уулзахад надад зориулаад заа чи минь БИЕ, СЭТГЭЛЭЭ ХАЙРЛАЖ ЯВААРАЙ гэж хэлсэн үгийн цаад гүн утгыг одоо л ойлгож байна.

 

МИНИЙ АЖИЛ-ЦАГ ХУГАЦААГААР АЯЛАХ“тийз”

Өөрийхөө хийдэг саван, нийтйин сүлжээний ачаар олон ч сайхан найз нөхөдтэй боллоо. Тэдний нэг нь Нямка гэдэг сэтгүүлч охин, надад савангийн тухай ярилцлага хиймээр байна гэдэг санал тавьж танилцаад, би ч бас үнэгүй сурталчилгаа хийчий гэж бодоод зөвшөөрсөн нь мэдээж. Ингээд миний сонинд өгсөн анхны ярилцлага, 3 дахь зураг маань (үсчин хүүхэн үсийг минь сэнсдэж байна гээд үхэр долоочихсон юм шиг болгоод боохоос өөр арга байсангүй, тэрнээс биш сайхан хөвсгийлгөөд задгай тавьсан бол патиар гоё гарахгүй юу).

Солонгос гэрийн эзэгтэй нарын дунд саван, шампуниас өгсүүлээд гоо сайхны бүхий л бүтээгдэхүүнээ өөрсдөө “найруулах” моод дэлгэрч бай­гаа. Ярилцлагын маань эзэн эмэгтэй ч бас ийм хообийтой. Уг нь энэ тухай л сонсох гэж би түүнтэй уулзсан юм. Нэлээд удаан ярилцсаны дараа түүнийг хүн судлал-антрополо­гийн салбарын хүн болохыг нь мэд­сэн юм. Тэрбээр ясны генетик суд­лалаар Монголдоо анхдагч хэмээн бичигдэх “эрх”-тэй нэгэн аж. Учир нь манай хүн судлалын салбарт “яс судлаач” нэгээхэн ч үгүй билээ. Тиймээс миний танд танил­цуу­лах гэж буй хүн “Монголын гэгээ” байх учир¬тай. Түүнийг Гаваачимэдийн Лхагвасүрэн гэдэг.

Бидний яриа өөр хоорондоо адилгүй хоёр сэдэвт хуваагдах тул мэр­гэн уншигч Та бүү төөрөлдөөрэй.

-Саван хийх хообийтой болсон тухайгаа яриач.

-Байгаль орчинд ээлтэй бүтээг­дэхүүн рүү дэлхий ний­тээрээ шуурах болжээ. Тиймээс гоо сайхны бүтээг­дэхүүнийг гэрийн нөхцөлд хийх нь ихэссэн. Ялангуяа эзэг­тэй нар саван, шампуниа өөрсдөө “үйлдвэрлэж” ахуйн хэрэг­цээндээ ашиглаж байгаа. Би өнгөрсөн жил төрчихөөд, гэр­тээ уйдаж суухын оронд ямар нэг үр бүтээлтэй зүйл хийе гээд, саван сонирхох болсон доо.

Эмэгтэйлэг болноо

Хүний нутагт сурахын хажуугаар гэр бүл болж, үр хүүхэд гаргаж өсгөх амаргүй ажил байдын байнаа. Дээр нь бас бизнесс хийх гээд. Өөрийгөө дандаа адагт нь тавидаг болчихдог юм байна. Ядаргаа бол ясандаа орсон байна, унтаад унтаад нойр ханахгүй, үдээс хойш болонгуут толгой таллаж өвдөөд. Толгой таллаж өвдөх ийм аймшигтай өвчин гэж мэдээгүй ш д.

Сүүлийн 2 жил ар гэр, үр хүүхэд гэж гүйсээр байгаад би гэдэг хүн эмэгтэй хүн биш эхнэр, ээж болчихож ээ. Эргээд эмэгтэйлэг хүн болох төлөвлөгөө боловсруулж хэрэгжүүлэхээс, хаха. Энэ зурагны өмнөх шиг л.

Өөрийгөө 100 хувь гаргуунд нь гаргасан гэхэд хилсдэхгүй. Жишээ хүүхэд гаргахаас өмнө надад зөвхөн нүдний тен гэхэд 10-аад өнгө, хумсны лак 20 гаран юм байдаг байлаа, хумсаа өнгө өнгөөр хээ зураад, өнгө тодоос цайварлуу нь уусгаж байгаад нэйл арт хийж буддаг байлаа ш дээ, өвөл хүртэл хөлийн хумсаа буддаг байсан байгаа. Нүдээ хувцасныхаа өнгөтэй хослуулаад будна. Хувцас авахдаа дандаа хурц, тод хээтэй өнгө өнгийн хувцас авна, ижил өнгөтэй хувцас байдаггүй байлаа. Өмд сардаа сайндаа л 3-4 удаа өмсөнө, бусад үед дандаа мини банзал өмсөөд өндөр өсгийтөөр гангараастай. Ямар сайндаа манайд 1 семестэр хичээл заасан багш чиний өмд өмссөн байхыг ганцхан удаа харлаа гэж уулга алдаж байлаа, хэхэ. Хаашаа л явна өндөр өсгийт дээр л гунхана, өндөр өсгийт углаагүй бол эмэгтэй хүн биш юм шиг л аягалдаг байжээ. Хөл өвдөх энэ тэрийг тоохгүй, сүүлдээ намхан гутал өмсөхөөр хөл өвддөг байв. Амралтын 1 өдөр арьсаа амраахын тулд хаашаа ч гарахгүй, өдөржин нүүрэндээ массаж хийж, маск тавина, хөл гарандаа хүртэл маск тавьж арьсаа арчилана. Өглөө гэрээс гарахад нэг цаг бэлддэг байв.

Гэтэл одоо яаж байна өглөө гарах бэлтгэл 20 мин, хумсаа будалгүй 2 жил боллоо. Жирэмсэн байхад нүүр амаа янз бүрийн будагаар будах муу гэж сонсоод тэр цагаас хойш нүд, уруулаа ховорхон будсан дөө. Мини банзал саяханаас л өмсөж эхэлсэн, аз болж тураад жирмээ болохоос өмсөж байсан банзалууд маань таарч байгаа. Хайртай өндөр өсгийтөө өмсөөд 1 цаг алхаж чадахгүй болжээ, гэхдээ бага багаар өмсөж дасгаж байгаа. Өндөр өсгийт өмсөхгүй болохоор алхаа гишгээ муухай болсон гэж, бөгтийгөөд шогшдог болчиж. Хаа газар ядуу байдаг оюутан хүн чинь авдаг жаахан тэтгэлэгээ цааш нь хийхээ бодохоос өөртөө зарцуулах тухай бодохыг байсан байна, сингл байхад чинь тэтгэлэг буулаа маргааш нь дэлгүүр шогшоод бөөн гоё гоё тортой юмнууд болгоод ороод ирдэг байжээ гэж. Будаг шунхтай жижиг сав цүнхэлээд явдаг байснаа болиод одоо хүүхдийн живх, нусны алчуур малчуур л цүнхэлнэ, миний гэх данстай юм миний цүнхэнд байхаа больжээ.

Одооноос хамгийн түрүүнд хумны гоё лакнууд цуглуулнаа. Эмэгтэй хүний гар хамгийн гоё байх ёстой, мойног, бүдүүн хуруутай байж болно, сайхан засаад өөрт зохисон өнгөөр будчихад гар сэргээд л явчихана. Би өөрөө бүдүүн богино хуруутай болохоор хумсаа уртхан ургуулаад дөрвөлжиндүү засаад будчихаар сүмбэн цагаан хуруутай харагдаад, харсан хүн болгон яасан гоё гартай юм бэ гэж гайхна. Тийм магтаал сонсохын тулд мэдээж ядаж л нэг цаг хуруу гартайгаа ноцолдоод сууна шүү дээ. Одоо ч юм сайхан болоод 2 мин дотор хатдаг гого будагнууд зөндөө гарсан байна лээ.

Дараа нь нүүрний гоё будагнууд, час улаан уруулын будаг авнаа.

Дараа сараас иогад явнаа, хамаг бие хөшөөд эмээ шиг д болчихсон байнаа. Сардаа ядаж 2 удаа массажинд орно. Заа эмэгтэйлэг болоход өөр юу хийх хэрэгтэй билээ, бодож байгаад санаанд орохоороо бичээд байнаа. төлөвлөгөө хэрэгжээд үр дүнгээ өгвөл дээрх зурагтай төстэй үр дүн д гарах юм уу даа, хэхэ.

Шагнал, урамшуулал

Шантрашгүй зүтгэл, хичээнгүй хөдөлмөрийн шагнал боломж, боломжыг атгасан хүний урамшуулал нь амжилт гэж би боддог.

Эрт үед нэг залуу бурхан багшаас 3 хүсэлийг нь сонсооч гэж гуйжээ. Нэгдүгээрт нь мөнгөтэй болохыг, 2-т нь сайхан бүсгүйтэй гэрлэж өнөр өтгөн аз жаргалтай гэр бүлтэй болохыг, 3-т нь нэг хүндтэй олны хүндэтгэлийн хүлээсэн хүн болгож өгөхийг хүсчээ. Бурхан багш чиний 3 хүсэлийн биелүүлэх боломжийг би чамд өгнөө гэж амлаж.

Залуу бүх насаа 3 хүсэлээ биелэх өдөрийг хүлээсээр ядуу тарчиг, ганцаараа ганцаардмал амьдарсаар ертөнцөөс хальжээ. Нөгөө ертөнцөд бурхан багштай уулзаад та надад амласанаа яагаад биелүүлсэнгүй вэ гэж уурлахад булхан багш би чамд боломж олгоно гэсэнээс биш бүгдийг нь бэлдэж өгнө гэж амлаагүй. Олоон жилийн өмнө найз чинь чамд хамтаа худалдааны жинд хамт явахыг санал болгоход чи залхуураад яваагүй. Дараа нь захаар явж байхад чинь чиний хажуугаар нэг сайхан бүсгүй өнгөрсөн санаж байна уу, тэр чиний эхнэр болох байсан юм даанч чи над шиг залууг юу боллоо гэж тоохов дээ гээд түүнтэй танилцаагүй. Танай хотод их түймэр гарахад миний байшин шатаагүй нь их юм гээд зугтаасан. хэрэв чи түймэрт нэрвэгдсэн хүмүүсийг аварсан бол чамайг хотынхон чинь үхэн үхтэл чинь хүндэтгэж хайрлах байсан юм. Би чамд бүх боломжыг олгосон, харин чи өөрөө алдсан шүү дээ гэжээ.

Боломж хүн бүрт бий, харин хэн шүүрсэн нь хүссэндээ хүрнэ

Миний жаахан зулзага

Охиноо харах тусам л хайр хүрээд байх юм. Сониуч гэдэг нь ээжийгээ гал тогоонд хоол хийхээр ширээний тавцангаар барьж зогсоод, хийж байгаа хоол харах гээд өлмийгөө өргөөд өндөлзөнө. Ширээнээс толгой нь илүү гарахгүй болохоор дээр нь байгаа вм сайн харагдахгүй болохоор гараараа тэмтэрээд гарт дайралдсанаа авах гэж ээжийгээ сандаргана. Интернэд үзэхээр компьютер булаацалдаад, товчлууруудыг нь санаан зоргоороо нүдээд, дэлгэж өөрчлөгдөхийг нь хараад тас тас хөхрөнө.

Анх ном авч өгөхөд номнуудаа барьж аваад амандаа хийдэг байснаа сүүлийн үед хуудас хуудасаар нь эргүүлж үзээд, зурагнуудыг нь удаан ажиглаад, шулганахын. Цэцэрлэг дээрээ хөгжмийн хичээлд хамгийн дуртай, том хүүхдүүд нь дуулаад бүжиглэхээр алгаа ташаад чанга чанга инээнэ. Аавыгаа хэмнэлтэй хөгжим тавьж өгөхөөр хэмнэлээр нь хөдлөөд, шулганаад. Дээрээс хойш баяртай гэж гараа даллахыг зааж өгсөн чинь өчигдөр сурсан бололтой, ээжийгээ гараа далласан дуурайгаад гараа даллаад инээгээд.

Хэдэн долоо хоногын өмнө багш нь утасаар ярихын зааж өгчээ, утас барьж авангуутаа чихэн дээрээ ч биш дагзан дээрээ бариад шулганана. Цэцэрлэгээс нь авах гээд очихоор хаалга дуугараах чимээнээр инээд алдаад хамаг хурдаараа мөлхөж ирээд алгаа ташина. Тэврье гээд гараа тосохоор хоёр гараад алдлаад босоод ирэхийг нь харахаар өөрийгөө хорвоогын хамгийн жаргалтай, хамгийн азтай хүн гэдэгээ мэдэрээд сайхан юмаа ээж байх.

Аав ээж хоёр нь хорвоод ганцхан байдаг цирк үзэж байгаа юм шиг хөгжилтэй, жаргалтай байх юмаа.

Манан

Гадаах бүрхэг тэнгэр шиг сэтгэл ч бас бүрхэг байнаа. Битүү манантай, хүйтэн ойд төөрчихсөн аятай хаашаа явахаа мэдэхээ байчихлаа. Энэ замаар яваад байвал гарц байгаа болвуу?

Хэцүү байна, ядарч байна гэж хэлэхгүй ээ

Би их нойртой, өдөрийн 12 цаг унтаад ч нойр ханадаггүй хүн дээ. Охиноо гарсанаас хойш бүтэн нойртой хонохсон гэдэг ганц хүсэл тээж явна. Мөлхдөг болсоноосоо хойш охин маань ясли дээрээ өдөржин нааш цааш холхиод, тоглоод ядардаг бололтой шөнөдөө овоо сайн унтдаг болсон чинь сүүлийн хоёр өдөр яг ид сайхан унтаж байтал сэрээд тас тас хөхрөөд суучихдаг байна шүү. Шөнийн 2 өнгөрч байхад сэрээд алгаа ташаад инээд алдаад, тонгочиж байснаа мөлхөж ирж мөөмөө хөхөөд, дахиж тонгочоод. Хөхүүл хүүхэдтэй ээжүүд мэднэ дээ хүүхэд хөхүүлэхэд ялангуяа шөнө хүүхэд хөхүүлхэд ямар их ядардаг билээ дээ. Охиноо бүгчимдээд байгаа юм болвуу гээд 3 хүртэл хөхүүлж байгаад үүрээд гарч салхилууллаа. Зун болохоор 4 дөхөөд гэгээ орчих юмаа. Гадаа гудамжинд хүүхдээ үүрээд л бүүвэй дуу аялаад л нааш цааш бараг цаг холхилоо ш дээ 2 шөнө. Бараг 5 дөхүүлж байж эргэж унтлаа. Нойрондоо харам болохоор охиноо шөнө сэрэхээр ёстой уур хүрэх юмаа. Ядаж нөхөр хүүхдээ огт унтуулж чаддаггүй, хүүхэд асрах тухайд ёстой нойл, хамт тоглож л мэднэ. Хичээл ном, ар гэрийн ажил, хүүхдээ асрах гээд бүгдийг зэрэг амжуулах амаргүй юмаа. Заримдаа ар гэрийн ажилаас арай дэндүү залхах юмаа, нөхөр ажил ихтэй тул гэрийн ажилд туслана гэж түүхэнд байхгүй, үүрээр гараад шөнө орж ирдэг хүнд тоос сорогч бариулалтай биш дээ. Би хүнтэй суувал гэрийн ажил хийхгүй гэж боддог байлаа, баяжаад гэрийн үйлчлэгч хөлсөлчих юм чинь гэж мөрөөддөг байлаа. Өндөөртөө амжихгүй ч хэдэн жилийн дараа баяжинаа яахуу!!!!!

Бадарчин явсан газар балагтай гэж

Энэ долоо хоногийн эрч хүчээр дүүрэн эхлүүлсэн чинь байдаггүй.

Нэг бүтэлгүй нөхрөөс болоод энэ зуны төлөвлөгөө ёстой будаа боллоо. Охин бид 3 хөл залгуулдаг ганц унаасаа саллаа өнөөдөр. Дахиад машин авахаар бас л мөнгө, авахгүй гэхээр охиноо тэврээд нийтийн унаанд суугаад явах хэцүү, баян хүн шин таксидаад байх хэцүү. Нялх хүүхэдтэй гадуур гарах ямар төвөгтэй байдаг билээ дээ. Энэ зуны зугаалах төлөвлөгөөнүүд бүгд будаа. Ямар их юм төлөвлөлөө дөө. Сайныг дагавал сарны гэрэл, мууг дагавал могойн хор гэж юутай үнэн үг вэ

Хотын "хөдөө"

Энэ бичлэгийг уншаад их таалагдахаар нь нааш нь чирээд ирлээ. Миний бага нас ч бас иймэрхүү л өнгөрсөн дөө. Хотын хүүхдүүд байгалын сайханыг мэддэггүй гэж нэгдүгээр курст байхад Завханаас ирсэн охин хэлхэд нь мөн ч уур хүрч билээ.

Би хотын хүүхэд. Дуу, шүлгэнд гардаг хөдөөгийн үзэсгэлэнт байгалиас тэс өөр орчинд өссөн болоод ч тэр үү тариа халиурах, бугын урамдаан говийн зэргэлээг хараад малчин хүний мэдэрдэг мэдрэмжийг үнэндээ ойлгодоггүй. Гэхдээ голын усанд сэлсэний дараа засмал зам дээр хэвтэх таашаалын тухай хэний ч нүдэнд харагдтал дүрсэлж чадна. Гэрэл залгасан шонгийн модод нар жаргах үеэр хэрхэн “Болтрон” шиг болж хүүхэд айлгадаг, нүүрсний утаа, автобусны яндагийн үнэр ямар мэдрэмж төрүүлдгийг адуу манаж суугаа эрээс илүү мэднэ. Унасан газар минь Улаанбаатар, угаасан ус минь Сэлбийн гол (үнэндээ төрхийн ор миний анхны унасан газар, тэндхийн крантаар намайг угаасан гэнэ лээ). Энэ бүгдийг тоочихийн учир уншигч авхай таныг би хүй цөглөсөн нутаг тийшээ хөтлөхөөр зориглолоо.