Dec 23, 2012

DIY Шинэ жилийн бэлэгнүүд

Сүүлийн үед иймэрхүү зүйл хийгээд амтралтын 2 өдөрийг тун завгүй өнгөрөөж байнаа. Шинэ жилийн хэдэн савангууд хийлээ. Бас удахгүй болох Валентиний өдөрт зориулж хэдэн саван хийв. Хамгийн доор байгаа 2 хүүхэлдэйг охиндоо зориулж эсгийгээр хийсэн. Яг 2 өдөр сууж хийсэн. Анх удаа хийсэн гэхэд дажгүй болсон шүү. Оёдолын машингүй болохоор жаахан удаан оёсон. Ирэх зунаас оёдолын машин авч байгаад охиндоо өөр олон гоё тоглоом, хувцас оёж өгөөд бүлтийтэл нь гоёх юм шүү хэхэ. Ирэх долоо хоногоос цагаан сарын бэлэгний савангууд хийнээ. 2 талыхаа аав ээжид цагаан сарын бэлгэндээ нэмэрлэг гээд хэдэн саван хийхээр төлөвлөчихсөн.
 
Урьдчилсан хамгаалалтандаа орчихсон, судалгааны ажил гээд ширээнийхээ ард суух завгүй л байна. Ирэх хавар төгсөхийн тулд өглөө 6н цагт босож сурч байгаа. Ажилын 5 хоногийн 3т нь яахав босоод л байна. Яваандаа 7 өдөр босдог болох төлөвлөгөөтэй. Өгдлөө босож сурахад минь Өглөөний хүн гээд ном их тус болж байнаа. Сайхан ном бэлэглэсэн найздаа баярлалаа. Царайгаа харж нэг удаа уулзаагүй ч гэсэн сайхан найзууд болж гоё бэлэг өгсөнд (Монголоос явуулсан) баярлалаа. Ирэх онд надад амралтын өдөр гэдэг ойлголт байхгүй, хагас бүтэн сайнгүй сургууль шогшино, хажуугаар нь савангаа хийж мөнгөө олно гээд завгүй ээ.
 

Dec 6, 2012

Мөрөөдлийн байшин

Ирээдүйд амьдрах байшингаа яг иймээр төсөөлдөг байлаа. Зурж чадахгүй болохоор дотороо бодоод явдаг байв.
Гэтэл манай дүү яг миний мөрөөдлийн байшинтай адилхан байшинг зурчихсан байх юм. Бяцхаан цэцэрлэгтэй, том саруул цонхтой. Дотороо олон таван нүсэр тавилгагүй, хэрэгцээний хэдхэн шүүгээ савтай. Цонхоор тусан нарны тусгал дээр нь хүүхдүүдтэйгээ зэрэгцэж хэвтээд, өнхөрч тоглоод. Зуны өглөө цэцэрлэгтээ өглөөний цайгаа уугаад, өвөл цасаар цасан хүн хийж тоглоод. Өвөө эмээ болсон хойноо амралтын өдөрөөр ач зээ нараа авчирч тоглуулаад, гарыхаа амттангаар дайлна даа.

Nov 14, 2012

Бие, сэтгэлээ хайрлайж яваарай

Энийг уншиж байгаа уншигч та бусдад таалагдах гэж амьдардаг уу өөртөө таалаглах гэж амьдардаг уу? Өдөрт таны хэлсэн үг, хийсэн үйлдэлийн хэдэн хувь нь бусдад таалагдах эсвэл бусдын сэтгэл санааг аятайхан байлгахын тулд хийдэг вэ??? 
Хүний амьдрал хамгийн түрүүнд өөрт нь таалагддаг байх ёстой, хэлэхийг хүссэнээ хэлж, хүссэнээ өмсөж, хүссэн ажилаа хийж, сэтгэлээ уудалж амьдрах ёстой. Эргэн тойрны хүсүүстээ таалагдах гэж, намайг юу гэж хэлэх бол эсвэл сэтгэлийг (хайртай хүмүүст хамгийн их хамаатай) өвтгөчих вий гэсэндээ сонсохын хүссэн үгийг нь хэлж, харахыг хүссэн зүйлийг нь харуулж, дургүй зүйлээ дуртай юм шиг хийж, худлаа үнэн инээж байсан уу???
 
Мэдээж бусдын сэтгэл санааг бодолцолгүй яахав гэхдээ өөрийгөө хамгийн түрүүнд бодох ёстой юм байна. Өнгөрсөн хэдэн жид бусдад санаа тавьсаар өөрийгөө мартжээ би. Амандаа орсоноо хэлж, хүссэнээ мөнгө хайрлахгүй авч (тэтгэлэгээ сайхан ч үрдэг байсан даа), уйлхадаа уйлж, баярлахдаа баярлаж, уурлахдаа ууралчихдаг хүн байсан. Одоогийн профессорыхоо өөдөөс нь хар суугаад гараа энгэртээ зөрүүлэнгээ яагаад??? та буруу яриад байна ш дээ гэж хэлсэн ганц шавь нь би байлаа. Багш ч бусад оюутнууд ч нүдээ орой дээрээ гартал гайхаж байлаа. Одоо болтол тэр тухай ярьж инээлддэгийн манайхан. Сургууль дээр анх удаа энгэртээ нэлээд гүн ухлаадастай цамцыг анх би л өмсөж байлаа. Анх энд ирж байхад одооноос өөр байлаа, бүх оюутнууд халуун зун ч хоолой боосон битүү цамцтай, өвдөгөөр татсан юбка хамгийн богино банзалд ордог байлаа ш дээ. Одоо бол өөр л дөө, хошногоо гарах шахсан даашинзтай охидууд гүйлддэг болсон.
Би өөрийгөө урьдын хэвээрээ байгаа гэж өнөөдөрийг болтол бодож байлаа. Гэтэл удаан уулзаагүй найз маань надад миний ямар өөр болсоныг санууллаа, чи ийм байгаагүй ш дээ гэж уулга алдахад нь гайсаан. Би хэвээрээ л байна ш дээ гэж хэлсэн ч дотороо бодлоо. Дэндүү аймхай, хэлэх гэсэн үгээ дотогш нь залгиад чимээгүй сууж байлаг болчихсоноо, дуртай зүйлсээсээ дандаа татгазлдаг болсоноо сая л анзаарлаа.
Олон жилийн өмнө Солонгост сурах болоод явахаасаа өмнө унаган багын найзтайгаа уулзахад надад зориулаад заа чи минь БИЕ, СЭТГЭЛЭЭ ХАЙРЛАЖ ЯВААРАЙ гэж хэлсэн үгийн цаад гүн утгыг одоо л ойлгож байна.
 

Nov 13, 2012

Ханиадыг эдгээх 10 ашигтай ундаа

Хаяанд ирсэн хүйтний улирал нь газар газрын хүмүүсийн ханиад томуу тусах эрсдлийг ихэсгэдэг билээ. Ханиадыг эхний шатанд нь элдэв антибиотик, эм тариа хэрэглэлгүйгээр эмчлэх нь хүний биед илүү сайн байдаг. Тиймээс та бүхэнд газар газрын “эмээгийн” жороор хийсэн ханиадын эсрэг 10 шилдэг ундааг хэрхэн бэлтгэх талаар мэдээллийг хүргэж байна.

1. Зөгийн бал, нимбэгтэй бүлээн цай
Хэрэв та ханиад хүрвэл, хамгийн түрүүнд шингэвтэр байхуу юмуу ногоон цай найруулаад, дотор нь нэг цайны халбага зөгийн бал, хоёр халбага нимбэг хийж уугаарай. Хамгийн гол нь зөгийн бал, лимоноо буцлам халуун усанд хийж болохгүйг анхаарна уу. Хэрэв тэгвэл хэт халуун усанд дээрхи хоёр бодисын хүний биед сайн чанар нь алдагдах болно.



2. Нимбэгний навч, бөөрөлзгөнөтэй цай.
Нимбэгний хуурай навчаар цайгаа хандлаад, дээрээс нь хатаасан бөөрөлзгөнө нэмж өгөөд, 30 минут хандлана. Бөөрөлзгөнө (малина) олдохгүй бол бөөрөлзгөний чанамал ашиглаж болно.


Oct 23, 2012

МИНИЙ АЖИЛ-ЦАГ ХУГАЦААГААР АЯЛАХ“тийз”

Өөрийхөө хийдэг саван, нийтйин сүлжээний ачаар олон ч сайхан найз нөхөдтэй боллоо. Тэдний нэг нь Нямка гэдэг сэтгүүлч охин, надад савангийн тухай ярилцлага хиймээр байна гэдэг санал тавьж танилцаад, би ч бас үнэгүй сурталчилгаа хийчий гэж бодоод зөвшөөрсөн нь мэдээж. Ингээд миний сонинд өгсөн анхны ярилцлага, 3 дахь зураг маань (үсчин хүүхэн үсийг минь сэнсдэж байна гээд үхэр долоочихсон юм шиг болгоод боохоос өөр арга байсангүй, тэрнээс биш сайхан хөвсгийлгөөд задгай тавьсан бол патиар гоё гарахгүй юу).

Солонгос гэрийн эзэгтэй нарын дунд саван, шампуниас өгсүүлээд гоо сайхны бүхий л бүтээгдэхүүнээ өөрсдөө “найруулах” моод дэлгэрч бай­гаа. Ярилцлагын маань эзэн эмэгтэй ч бас ийм хообийтой. Уг нь энэ тухай л сонсох гэж би түүнтэй уулзсан юм. Нэлээд удаан ярилцсаны дараа түүнийг хүн судлал-антрополо­гийн салбарын хүн болохыг нь мэд­сэн юм. Тэрбээр ясны генетик суд­лалаар Монголдоо анхдагч хэмээн бичигдэх “эрх”-тэй нэгэн аж. Учир нь манай хүн судлалын салбарт “яс судлаач” нэгээхэн ч үгүй билээ. Тиймээс миний танд танил­цуу­лах гэж буй хүн “Монголын гэгээ” байх учир¬тай. Түүнийг Гаваачимэдийн Лхагвасүрэн гэдэг.

Бидний яриа өөр хоорондоо адилгүй хоёр сэдэвт хуваагдах тул мэр­гэн уншигч Та бүү төөрөлдөөрэй.

-Саван хийх хообийтой болсон тухайгаа яриач.
-Байгаль орчинд ээлтэй бүтээг­дэхүүн рүү дэлхий ний­тээрээ шуурах болжээ. Тиймээс гоо сайхны бүтээг­дэхүүнийг гэрийн нөхцөлд хийх нь ихэссэн. Ялангуяа эзэг­тэй нар саван, шампуниа өөрсдөө “үйлдвэрлэж” ахуйн хэрэг­цээндээ ашиглаж байгаа. Би өнгөрсөн жил төрчихөөд, гэр­тээ уйдаж суухын оронд ямар нэг үр бүтээлтэй зүйл хийе гээд, саван сонирхох болсон доо.

Oct 19, 2012

Толигор арьстай болгох элсэн чихэр, сүүний маск

Элсэн чихэр сүүний маск

Бэлдэх зүйл
1. Бор элсэн чихэр цагаан болохгүй
2. Сүү
Бэлдэх арга
  1. Бор элсэн чихэрээ сайтар нүдэж нунтаглана, (том ширхэгтэй учираас нүүрний арьс урчих гээд байдаг учираас)

  2. Элсэн чихэр дээрээ ижил хэмжээтэй сүү нэмээд элсэн чихэрээ сайтар уусгана.
Бэлэн болсон маскаа нүд зовхиноос бусад хэсэгээр түрхэж хурууны өндөгөөр зөөлөн массаж хийж өгнө. Ялангуяа хар батгатай хэсэгээрээ сайн массаж хийж өгөөрэй. Бор элсэн чихэр нь арьсны болхирдол, үхсэн эсүүд, нүхэнд дэхь бохирдолыг сайн цэвэрлэдэг. Сүү уураг ихтэй учир арьсанд сайн шингэхээс гадна бохирдлолыг сайн цэврэлдэг тустай гэнээ.

Нүд, зовхины хэсэгт тавих сүүний маск
Бэлдээд байх юм байхгүй ээ, бага зэрэг сүү тавганд хийж тавиад гоо сайхны хөвөн түүндээ дүрж норгосоны дараа нүдэн дээрээ 10 мин тавиад л боллоо. Гол нь хүйтэн сүү хэрэглээрэй. Сүүнд серемайд болон липид (Монголоор нь мэддэггүй) ихтэй учир арьс чийгшүүлэхээс гадна тослог ихтэй учир ачаалал ихтэй ялангуяа компьютэр их хардаг хүмүүсийн нүдний ядаргааг тайлдаг гэнэ.


Хумсаа байнга буддаг хүмүүс будагаа арилгахдаа хөвөндөө ацетон шингээснийхээ дараа бага зэрэг сүүг хөвөндөө шингээгээд хумсныхаа будагыг арилгавал хумс чийгээ алдахгүйгээр гадна давхар тэжээл авдаг гэнэ шүү.     
Эх сурвалж: http://angtal11.blog.me/30095253747



Oct 12, 2012

Эмэгтэйлэг болноо

Хүний нутагт сурахын хажуугаар гэр бүл болж, үр хүүхэд гаргаж өсгөх амаргүй ажил байдын байнаа. Дээр нь бас бизнесс хийх гээд. Өөрийгөө дандаа адагт нь тавидаг болчихдог юм байна. Ядаргаа бол ясандаа орсон байна, унтаад унтаад нойр ханахгүй, үдээс хойш болонгуут толгой таллаж өвдөөд. Толгой таллаж өвдөх ийм аймшигтай өвчин гэж мэдээгүй ш д.
Сүүлийн 2 жил ар гэр, үр хүүхэд гэж гүйсээр байгаад би гэдэг хүн эмэгтэй хүн биш эхнэр, ээж болчихож ээ. Эргээд эмэгтэйлэг хүн болох төлөвлөгөө боловсруулж хэрэгжүүлэхээс, хаха. Энэ зурагны өмнөх шиг л.
Өөрийгөө 100 хувь гаргуунд нь гаргасан гэхэд хилсдэхгүй. Жишээ хүүхэд гаргахаас өмнө надад зөвхөн нүдний тен гэхэд 10-аад өнгө, хумсны лак 20 гаран юм байдаг байлаа, хумсаа өнгө өнгөөр хээ зураад, өнгө тодоос цайварлуу нь уусгаж байгаад нэйл арт хийж буддаг байлаа ш дээ, өвөл хүртэл хөлийн хумсаа буддаг байсан байгаа. Нүдээ хувцасныхаа өнгөтэй хослуулаад будна. Хувцас авахдаа дандаа хурц, тод хээтэй өнгө өнгийн хувцас авна, ижил өнгөтэй хувцас байдаггүй байлаа. Өмд сардаа сайндаа л 3-4 удаа өмсөнө, бусад үед дандаа мини банзал өмсөөд өндөр өсгийтөөр гангараастай. Ямар сайндаа манайд 1 семестэр хичээл заасан багш чиний өмд өмссөн байхыг ганцхан удаа харлаа гэж уулга алдаж байлаа, хэхэ. Хаашаа л явна өндөр өсгийт дээр л гунхана, өндөр өсгийт углаагүй бол эмэгтэй хүн биш юм шиг л аягалдаг байжээ. Хөл өвдөх энэ тэрийг тоохгүй, сүүлдээ намхан гутал өмсөхөөр хөл өвддөг байв. Амралтын 1 өдөр арьсаа амраахын тулд хаашаа ч гарахгүй, өдөржин нүүрэндээ массаж хийж, маск тавина, хөл гарандаа хүртэл маск тавьж арьсаа арчилана. Өглөө гэрээс гарахад нэг цаг бэлддэг байв.
Гэтэл одоо яаж байна өглөө гарах бэлтгэл 20 мин, хумсаа будалгүй 2 жил боллоо. Жирэмсэн байхад нүүр амаа янз бүрийн будагаар будах муу гэж сонсоод тэр цагаас хойш нүд, уруулаа ховорхон будсан дөө. Мини банзал саяханаас л өмсөж эхэлсэн, аз болж тураад жирмээ болохоос өмсөж байсан банзалууд маань таарч байгаа. Хайртай өндөр өсгийтөө өмсөөд 1 цаг алхаж чадахгүй болжээ, гэхдээ бага багаар өмсөж дасгаж байгаа. Өндөр өсгийт өмсөхгүй болохоор алхаа гишгээ муухай болсон гэж, бөгтийгөөд шогшдог болчиж. Хаа газар ядуу байдаг оюутан хүн чинь авдаг жаахан тэтгэлэгээ цааш нь хийхээ бодохоос өөртөө зарцуулах тухай бодохыг байсан байна, сингл байхад чинь тэтгэлэг буулаа маргааш нь дэлгүүр шогшоод бөөн гоё гоё тортой юмнууд болгоод ороод ирдэг байжээ гэж. Будаг шунхтай жижиг сав цүнхэлээд явдаг байснаа болиод одоо хүүхдийн живх, нусны алчуур малчуур л цүнхэлнэ, миний гэх данстай юм миний цүнхэнд байхаа больжээ.
Одооноос хамгийн түрүүнд хумны гоё лакнууд цуглуулнаа. Эмэгтэй хүний гар хамгийн гоё байх ёстой, мойног, бүдүүн хуруутай байж болно, сайхан засаад өөрт зохисон өнгөөр будчихад гар сэргээд л явчихана. Би өөрөө бүдүүн богино хуруутай болохоор хумсаа уртхан ургуулаад дөрвөлжиндүү засаад будчихаар сүмбэн цагаан хуруутай харагдаад, харсан хүн болгон яасан гоё гартай юм бэ гэж гайхна. Тийм магтаал сонсохын тулд мэдээж ядаж л нэг цаг хуруу гартайгаа ноцолдоод сууна шүү дээ. Одоо ч юм сайхан болоод 2 мин дотор хатдаг гого будагнууд зөндөө гарсан байна лээ.
Дараа нь нүүрний гоё будагнууд, час улаан уруулын будаг авнаа.
Дараа сараас иогад явнаа, хамаг бие хөшөөд эмээ шиг д болчихсон байнаа. Сардаа ядаж 2 удаа массажинд орно. Заа эмэгтэйлэг болоход өөр юу хийх хэрэгтэй билээ, бодож байгаад санаанд орохоороо бичээд байнаа. төлөвлөгөө хэрэгжээд үр дүнгээ өгвөл дээрх зурагтай төстэй үр дүн д гарах юм уу даа, хэхэ.

Sep 6, 2012

Шагнал, урамшуулал

Шантрашгүй зүтгэл, хичээнгүй хөдөлмөрийн шагнал боломж, боломжыг атгасан хүний урамшуулал нь амжилт гэж би боддог.
Эрт үед нэг залуу бурхан багшаас 3 хүсэлийг нь сонсооч гэж гуйжээ. Нэгдүгээрт нь мөнгөтэй болохыг, 2-т нь сайхан бүсгүйтэй гэрлэж өнөр өтгөн аз жаргалтай гэр бүлтэй болохыг, 3-т нь нэг хүндтэй олны хүндэтгэлийн хүлээсэн хүн болгож өгөхийг хүсчээ. Бурхан багш чиний 3 хүсэлийн биелүүлэх боломжийг би чамд өгнөө гэж амлаж.
Залуу бүх насаа 3 хүсэлээ биелэх өдөрийг хүлээсээр ядуу тарчиг, ганцаараа ганцаардмал амьдарсаар ертөнцөөс хальжээ. Нөгөө ертөнцөд бурхан багштай уулзаад та надад амласанаа яагаад биелүүлсэнгүй вэ гэж уурлахад булхан багш би чамд боломж олгоно гэсэнээс биш бүгдийг нь бэлдэж өгнө гэж амлаагүй. Олоон жилийн өмнө найз чинь чамд хамтаа худалдааны жинд хамт явахыг санал болгоход чи залхуураад яваагүй. Дараа нь захаар явж байхад чинь чиний хажуугаар нэг сайхан бүсгүй өнгөрсөн санаж байна уу, тэр чиний эхнэр болох байсан юм даанч чи над шиг залууг юу боллоо гэж тоохов дээ гээд түүнтэй танилцаагүй. Танай хотод их түймэр гарахад миний байшин шатаагүй нь их юм гээд зугтаасан. хэрэв чи түймэрт нэрвэгдсэн хүмүүсийг аварсан бол чамайг хотынхон чинь үхэн үхтэл чинь хүндэтгэж хайрлах байсан юм. Би чамд бүх боломжыг олгосон, харин чи өөрөө алдсан шүү дээ гэжээ.
Боломж хүн бүрт бий, харин хэн шүүрсэн нь хүссэндээ хүрнэ

Sep 5, 2012

Хөөрхий ядарсан эмч багш нараа өмөөрчий

Би нийгмийн аливаа асуудлын талаар шүүмж энэ тэр бичдэг мундаг блогчин биш л дээ. Гэхдээ болож явдаг нэг зүйлээ бичсээр санагдчихлаа.
Сүүлийн үед засгийн газараас баримтлаад байгаа нийгмийн халамжийн бодлого үнэнэдээ таалагдахгүй байнаа. Ялангуяа энэ сургууль, цэцэрлэг, эмнэлэгтэй холбоотой асуудал дээр би бусдаас арай өөр бодолтой явдаг. Бас зарим нэг сэтгүүлчдийн бодлогогүй, ясах судалгаа хийлгүй сараачсан нийтлэлүүдийг уншаад уур хүрээд сууж байнаа. Энд бичсэнтэй би 100% санал нйилэхгүй байна. Эмэгтэй улсын их хурлын гишүүдтэй би санад нэг байна. Эдгээр эмэгтэйчүүд эрэгтэйчүүдтэй эн зэрэгцээ түвшинд очихын тулд тэднээс хэд дахин их хүч% чармайлт гаргадаг. Мөнгөтэй хүмүүс мэдээж үнэтэй цэцэрлэг сургуульд хүүхдээ өгөх нь ойлгомжтой, а+b=c гэдэг томьёотой адилхан хэвшсэн зүйл энд ингэж бичих хэрэг юу байнаа. Юуны түрүүнд яагаад цэцэрлэгийн хоолны мөнгөний талыг ээж ааваар нь төлүүлэх, сурах бичигийг худаалах санад оруулах болсон тухай эрэгцүүлэх хэрэгэтй ш дээ. Ээж маань бүх насаараа цэцэрлэгт багшилсан хүн, захын хороололд байдаг цөөхөн цэцэрлэгүүдийн нэг болохоор хөдөөнөөс орж ирсэн, бидний нэрлэж заншсанаар эмзэг бүлэгийн хүмүүс ихтэй

Бухимдал

Зарим сэтгүүлчидийн бичсэн нийтлэлийг уншихаар уур хүрээд байх юмаа. Энийг бисчэн нөхөр нэр усаа ч тавиагүй байхын. Чадваргүй гэж хэнийг хэлээд байнаа, тахиар дутаа, өрх толгойлсон ээжүүд үү эсвэл үр хүүхдийхээ төлөө хөдөлмөрлөх ёстой гэдэгээ ухамсарлахгүй улсаас мөнгө өгчих юм чинь би хөдлөөд яахав гэсэн ухвар бодолтой ээжүүд бишгүй дээ д бий. Тэрний оронд өрх толгойсон, цэцэрлэгийн насны 3 хүүхэлтэй, тахир дутуу эцэг эхтэй, өнчин хүүхдүүдийн мөнгийг улсаас даах бодлого байвал илүү үр өгөөжтэй баймаар. Би хувьдаа эмэгтэй гишүүдтэй санал нэг байна. Цэцэрлэгийн хоолны мөнгөний 50%-ийг эцэг эхээр төлүүлэх нь зөв, сурах бичиг ч гэсэн зарим нэгийг нь худалдаах хэрэгтэй. ээж маань бараг 20 жил цэцэрлэгт багшилсан хүн, гэр хороололын цэцэрлэг л дээ. яриаг нь сонсоод байхад цэцэрдлэгийн хоолны мөнгийг улсаас даадаг болсоноос хойш эцэг эхчүүд хүүхлийн хүмүүжилд анхаарах нь эрс багассан. Мөнгө төлдөг байхдаа ээж аавууд орой хүүхдээ авахдаа юу сурсаныг нь, гэртээ очоод түүнийг нь яаж давтуулах тухай хамгын түрүүнд асуудаг байсан бол одоо багш нь хоолыг нэмсэн үү, миний хүүхдийг шоглосон уу гэж асуудаг болсон гэнэ. Хүүхдэдийхээ хэрэглэх харандаа цаасын ээж аавууд бэлддэг, тэр нь жил ирэх тусам чанаргйү болсон гэнэ, ганц дараад хугардаг харандаагаар хүүхэд юу зурах вэ. Хичнээн гэр хороололд амьдардаг ч гэлээ хүүхдээ усанд оруулаад ирдэг ээж аавууд цөөрсөн гэнэ. хэлэхээр Улсаас үнэгүй шахам хоол идэж байгаа цэцэрлэгийн багш нар хүүхдийг нь усанд оруулж өгөх ёстой гэж загнадаг гэнэ. Охиныхоо үсийг ч самналгүй, халтайсан хувцастай нь явуулчихдаг. 5 нас хүрчихээд хувцасаа өмсөж мэддэггүй хүүхэд захаасаа аваад бий.  Хүүхдээ  ингэ тэг, ийм юм зааж өгөөрэй, тийм концерт, ийм музей үзүүлье тэдэн төгрөг гэхээр бас л мөнгө үү яасан төвөгтэй юм гэдэг эцэг эх тал нь байх жишээтэй. Хүүхэддээ жаахан анхаарал тавь гэхээр өргөдөл гомдол гаргана, улсын мөнгө идчихээд хүүхдэд минь анхаарал тавьсангүй гээд өргөдөд бариад гүйцгээх эцэг эхчүүд нэмэгдсэн гэнэ. Ээж аавуудыг үр хүүхдээ хэдэн төгрөгөнд санаа зоволгүй зөв хүмүүжүүлэг гэсэндээ улсаас хоолны мөнгийг даасан болохоос улсаас хүүхдийг нь улсаас цэцэрлэгийн хэдэн багш хүмүүжүүлж өгнөө гээгүй баймаар. Ядаж л хоолны мөнгөө өгөөд эхлэвэл хүүхдийхээ сурсан мэдсэнийг давтуулаад, авьяас чадварыг нь хөгжүүлэхэд анхаарах нь нэмэгдэх байх даа. Заа нөгөө хүний хөгжилийн 21000 буудаг өдөр хүүхдээ авахаар ирсэн ээж аав, эмээ өвөө нарын 2/3 нь согтуу, халамцуу ирээд хүүхдүүдээ хөтөлөөд явдаг гэнэ дээ. Намбатай байхаар эмээ нар согтуу ирээд хэдэн багш нарт ач охины минь үсийг хөөрхөн самнасангүй гэж агсамнаж байгаад явах тохиолдол нэг бус удаа бий. хэдэн багш нарыг хахуулиар хүүхэд цэцэрдэгт оруулдаг гээд хардааг байдаг, үнэндээ тэр хахуулийг нь эрхлэгч, эмч, арага зүйч, нягтлан, нярав гэсэн 5 хүн дээгүүрээ зохицуулчихдаг багш нарт хамаагүй ш дээ уг нь. Энэ хэт их мөнгө тараадаг нийгмийн халамжын бодлогыг сул тал нь дээрх маягаар илэрч байхад энэ сэтгүүлч хаагуур яваад байнаа. Шүүмж бичмээр байгаа бол сайн судалгаа хиймээр юмаа тухай сэдэвээрээ. Энэ бүхэнд Шинээр гарсан эмэгтэй гишүүд маань цэг тавина гэж найдаж байна. Ээж аавуудыг үр хүүхдээ зөв хүмүүжүүлэг гэсэндээ улсаас хоолны мөнгийг даасан болохоос улсаас хүүхдийг нь хүмүүжүүлж өгнөө гээгүй баймаарсан. Ядаж л хүүхдийхээ цэцэрлэгийн мөнгийг өгөхийн тулд ээж аавууд халамжийн мөнгөө архинд өгөхгүй ш дээ. http://olloo.mn/modules.php?name=News&file=article&sid=1210330

Sep 4, 2012

Миний бүтээл гээд сүртэй гарчиг өгчий

Өнгөрсөн амралтын өдөрүүдээр хийсэн хэдэн савангуудыхаа зурагнуудыг орууллаа














Aug 19, 2012

Нярай хүүхэд хэзээ ямар хүнс өгөх вэ?

Нярай хүүхдийг хооллох зарчим

1. Нярай хүүхдэд идүүлж болох болохгүй хүнсний зүйлүүд бий тэдгээрийг аль болох баримтлах нь зүйтэй. Хүүхдээ бор хоолонд оруулахаасаа өмнө ээж та бор хоол юу боло х тухай сайтар судалсайн байх ёстой.


2. Ээжийн гараар хийсэн хоол хамгийн амттай бас ЭРҮҮЛ. Бор хоол хийхэд төвөгшөөгөөд байх зүйл байхгүй 6-7 сар хүртэл хүүхдийн хоолонд мах, будаа, ганц төрлийн ногоо байхад л хангалттай. 5-7 хоног хэрэглэх будаа, махаа урьдчилаад бэлдчихэд ажил хамаагүй хөнгөрөнө.
A. Бор хоол өгөх нь хүүхдийн их тархины хөгжилд сайнаар нөлөөлдөг, шинэ амт, шинэ мэдрэмж нь хүүхдэд шинэ дадал, туршлага болсоноор хүүхдийн их тархины эсүүдийг холбож өгдөг. (Хүн төрөхөд мэдрэлийн эсүүд (neuron cell) хоорондоо сүүлээрээ холбогдоогүй байдаг. Хүүхэд өдөр бүр дадал, турглага хуримтлуулахын хирээр эсүүд хоорондоо тухай мэдээлэл, дадал, туршлагыг бүх насаараа хадгалж үлдэхийн тулд мэдрэлийн эсүүд сүүлээрээ хоорондоо холбогддог. Тиймээс 0-3 насанд хүүхдийг зөв хүмүүжүүлэх нь ямар хүн болохын 90%-ийг шийдэж байнаа гэсэн үг)
B. Хүүхэд хооллох зөв дадалтай болно. Шингэн хоолноос зажлууртай хоолруу аажимаар шилжсэнээр хүүхэд хоолоо зажилж идэж сурдаг.
C. Өөрт нь хоол хийж байгаа ээжийгээ харах бүртээ хүүхэд хамгаас аз жаргалтай байдаг.

3. Хүүхдийг 4 сар хүртэл нь зөвхөн эхийн сүү эсвэл тэжээлийн сүүгээр хооллоно. Эрт бор хоолонд оруулбал сайн гэж бодож байгаа бол эндүүрэл. Нярай хүүхдийн дотоод эрхтэнүүд жижиг учираас эрт бор хоолонд оруулбал аллергитэй болох магадлал ихсэнэ.Гэвч 6 сар буюу 26 долоо хоногоос хэтэрч бор хоолонд орвол мөнд аллергтэй болох магадлал өндөр болдон. 4 сар хүртэл нь ус сүүнээс өөр юм өгөхгүй. 4 сар хүрлээ гээд бүх хүүхэд ижилхэн бор хоолонд орноо гэсэн үг биш, хүүхэд бүрийн өсөлт хөгжилт харилцан адилгүй тул хүүхэд бор хоолонд ороход бэлэн болжээ гэсэн үед нь оруулаарай. Хэт тарган хүүхэдийг 4 сартайгаа бор хоолонд оруулж байхыг харсан. Манай охин бас тарган байсан болохоох 5 сартай бор хоол өгч эхэлсэн. Бор хоол өгсөнөөр хоолны хэмжээг нь хянах боломжтой болдог. Манай охин бараг 9 сар хүртэлээ хоолны дэглэм барьж биеийн хэдийн жиндээ очсон. Их тарган хүүхэд том болоод таргалах, зүрх судасны өвчин, чихрийн шижингээр өвчлөх, нярайн ходоод суналтаар өвдөх магадлал өндөр болдог.

4. Бор хоолонд оруулсан ч хүүхэддээ эхийн сүү, тэжээлийн сүүний аль нэгийг заавал өгөөрэй. 6 сараас ой хүртэлээ хүүхэд өдөрт 600мл (гр) сүү заавал уух ёстой. Хэрэв тэжээлийн сүү уудаг бол өдөрт 900мл-ээс хэтрүүлэхгүй.

5. Бор хоолыг будааны зутангаар эхлүүлээрэй. Будаа хэрэглэдэггүй америк, Европын орнууд ч хүүхдээ будааны зутангаар бор хоолонд оруулдаг. Учир нь будаан аллерги бий болгодог Глутен (gluten protein) уураг байдаггүй. Анх өгөх будааны зутан нь будааныхаа хэмжээнээс 10дахин их ус хийж буцалгаад өгнө. Усны оронд хөхний сүү, тэжээлийн сүүг нь хийж буцалгасан ч болно.

6. 6 сар хүрэхээс нь өмнө жимний шүүс өгч болохгүй. Жимсний шүүс эрт өгсөнөөр хүүхдээ бүх насаараа зовоох аллергитэй болох магадлал өндөрөөс гадна чихэрийн амт авсан хүүхэд бор хоол идэх дургүй болдог.

7. Бор хоолыг заавал зориулалтын халбагаар өгнө. Хүүхдэд зориулсан ургамалын гаралтай хуванцараар хийсэн хүүхэд гэмтээхээргүй аяга, зөөлөн халбагаар хооллоорой. Хүүхдийн аяга халбагыг томчууд хэрэглэж болохгүй, ээж нь ч бас. Зарим ээжүүд, хадам ээжүүд хүүхдийн хоолыг нэг халбаганаас амсах, амандаа хийж хөргөж эсвэл зажилж өгдөг нь маш буруу. Хэдий ээж нь ч гэлээ хүүхэддээ амны хөндийд байх нянгаа бэлэглэж байна гэсэн үг. Амны эвгүй үнэр гаргадаг нян ч бас халддаг. Хоолны халуун хүйтныг гар дээрээ багахаан дусаагаад шалгачихаж болно.

8. Ой хүртэл хүүхдийн хоолонд давс хийхгүй. Ой хүртэл хүүхдийн өдөрт хэрэглэх давсны хэмжээ 0,2гр байдаг. Тун бага хэмжээ учир эхийн сүү, тэжээлийн сүү болон бусад хүнсний бүтээглдэхүүнээс хангалттай давс авч чаддаг. Шорвог хоол нь даралт ихсэн, зүрх судас, цэс харвалт зэрэг өвчиний үндэсийг тавьдаг. Давстай хоол идлээ гээд хүүхдийн даралт ихсэнэ гэж юу байхав гэж бодож магадгүй, гэвч хүүхдийн даралт ихэсдэг, нас ахих тусам ихэссээр даралт ихсэн өвчтэй болдог. 1-3 насны хүүхэд өдөрт 1000мг (2,5гр), 4-8 настай хүүхэд 1200мг (3гр), 9 дээш насны хүүхэд 1500мг (3,75гр), насанд хүрэгчид өдөрт 2300мг (5,75гр) давс дунджаар хэрэглэх ёстой. Гэхдээ имй хэмжээтэй гээд ийм хэмжээний давс хоолондоо хийж иднээ гэсэн үг биш, хүнс бүрт агуулагдах давсны хэмжээ бий гэдэгийг санаарай.

9. Шинэ хүнсийг 2-7 хоногын хугацаатай өгнө. Дөнгөж бор хоол эхэлж идэж байгаа хүүхэд 1 долоо хоногт шинээр нэг л төрлийн хүнсийг нэмж өгөөрэй. Хүүхдэд аллерги өгвөд даруй өгөхөө зогсооно.

10. Хүүхэд шинэ хүнс идээд аллерги өгсөн ч онцгой тохиолдол биш бол дахин өгч болно. Тухайн хүнсийг 1-3 сар өгөлгүй амраагаад өгч үзнэ. Дахин аллерги өгвөд 9-12 сар өгөлгүй амраасны дараа дахин өгч үзнэ. Нярай үед нь аллерги өгсөн ч хүүхдийг 1-2 нас хүрсэний дараа өгөхөд зүгээр. Гэвч хүнд хэлбэрийн аллерги өгч байгаа бол өгөхөөс зайлхийх нь зөв.

11. Аллерги. Бор хоол идсэний дараа хүүхэд бөөлжих, гулгих, суулгах, бие дээр туурулт үүсэх нь аллергинйи шинж тэмлэгюм. Хүүхэд багад нь олон төрлийн хүнсийг нэг дор нунтаглаж өгөх нт аллерги үүсгэх магадлалыг өндөр болгодог. Хүүхэд ойр ойрхон унгах, хоолондоо дургүй болох, бөөлжих, гулгих зэрэг шинж илэрвэл шинээр өгч эхэлсэн хүнсээ дариу өгөхөө больж эмчид хандаарай.

Яагаад хүүхдийг Бор хоолонд оруулдаг вэ

Монголчууд хүүхдийг хоолонд оруулах буюу махан хоол идүүлж эхлэхийг бор хоолонд оруулах гэж хэлдэг. Хүүхэдийг 5-6сартайгаасаа бор хоолонд оруулах ёстой хэд хэдэн шалтгаан бий.

1. Хүүхэд 6сар хүрч биеийн жин нэмэгдэж э хэлсэнээр дан эхийн сүү болон тэжээлийн сүүгээр хүүхдийн өсөлт болон хөгжилтөнд (өсөлт гэдэг нь хүүхдийн өндөр, жин гэх мэт тоон үзүүлэлтээр хэмжигдэх өсөлтийг хэлдэг. Хөгжил гэдэг нь хүүхдийн их тархины хөгжилтэй холбоотой бөгөөд хүүхэд толгойгоо өргөх, алхах, суух, ээж аавыгаа таних, сэтгэлд хөдлөлөө илэрхийлж сурах, гол төлөв мэдлэг, туршлагатай холбоотой үйлдэлүүдийг хэлнэ) хангалттай хүрэлцэхүйц шим тэжээлийн бодисыг авч чадахгүй болдог.

2. 6 сар хүрч хүүхдийн өндөр, жин нэмэгдэж, хөгжил хурдаст эхлэх ба түүнийгээ дагаад хүүхдэд цус төлжүүлэх төмөр дутагдаж эхэлдэг. Хүүхэд гэлтгүй том хүн ч төмөрийн гол төлөв махнаас биедээ шимэгдүүлдэг. Нярай хүүхэд төрөл бүрийн хүнсий бүтээгдэхүүн хэрэглэх боломжгүй учир биед шаардлагатай төмөрийг зөвхөн махнаас авдаг. Групт харж байхад хүүхэдлээ ой хүртэл мах өгдөггүй ээжүүд харагдаж байсан хүүхэддээ заавад мах өгөөрэй гэж хэлм ээр байна, гэхдээ зөвхөн хонь, үхэр биш загас, гахай, тахиа гэ мэт хольж өгөхөд зүгээр. Өөх багатай нэг үгнээр холерторин багатай мах өгөхөд хүүхдэд хор болохгүй.

3. Бор хоолонд оруулах нь хүүхэд хооллох дадал суулгадаг. Анх хоолонд оруулахдаа шингэн зутангаас эхлээд хүүхэд томрох хоолыг нь шингэнээс шингэвтэр, эцэст нь зажлууртай болгож зажилах дадал суулгах хэрэгтэй. Тэгж сурсан хүүхэд аяндаа шүдээ ургахаар зажлууртай хоолын зажилж сурдаг. Миний ажигласанаар анх хоол идэж сурахад нь удаан зажилуулж сургамаар юм билээ, хурдан идүүлэхийн тулд ойр ойрхон хоолыг нь халбагадаж өгөөд байвал цөөхөн зажилдаг, аажуухан халбагадаж өгвөл удаан зажилах хандлага манай охинд ажигдагдсан. Байнга шингэн хоол иддэг хүүхэд шүд нь ургасан ч хоолоо зажилж идэж мэддэггүй.

4. Анх хүүхэд ямар хоол идэж сурна бүх насаараа тэр хоолоо л идэхийг хүснэ гэдэгийг санаарай. Тиймээс аль болох олон төрлийн хүнс хэрэглүүлж байгаарай. Та хүүхэддээ ямар хоол хийж өгнө тэр хүүхдийн тань амтны мэдэрхүйд хамгийн чухалаар нөлөөлнө. Хялбарчилбад давс багатай холыг амтгүй гэж ихэнх томчууд боддог, хэрэв та хүүхэддээ давс султай хоол идүүлээд сургачихвал анх удаа хоол идэж байгаа хүүхэд тань давс багатай хоол амттай гэдэг ойлголт тархинд нь нэгэн суучих учир бүх насаараа давс багатай хоол л иднээ гэсэн үг. Та хүүхэддээ ямар хооллох дадал суулгах нь танаас л хамаарна. Давс, чихэрнээс хүүхдээ хол байлгах гол үе шүү. Зарим хүмүүс хүүхэд өхөөрдөж чихэр өгөдөг нь маш буруу нэг чихэрийн амтанд орсон хүүхэд түүнийгээ хаяхгүй, тиймээс ойр дотныхондоо хүүхэддээ чихэр битгий өгөөрэй гэж захиарай .

5. Хооллох арга барилыг суулгана. Анх бор хоолонд орох үеэс нь эхлээд ширээ засаж суулгах нь чухал. Хоол идэх нь тоглоом биш гэдэгийг хүүхдэд ойлгуулж өгнө. Мөн өдөрт 3 удаа хооллож, 2 удаа цайлах дадалын ч суулгаж өгөх хэрэгтэй. Багаасаа цагаар зөв хооллоод сурчихвал том болсон хойноо ч тэр дадалаа алдахгүй. Эрүүл хооллолт эрүүл амьдарлын үндэс гэдэгийг та бүхэн хэлүүлэлтгүй мэдэж байгаа.

Jul 26, 2012

Миний жаахан зулзага

Охиноо харах тусам л хайр хүрээд байх юм. Сониуч гэдэг нь ээжийгээ гал тогоонд хоол хийхээр ширээний тавцангаар барьж зогсоод, хийж байгаа хоол харах гээд өлмийгөө өргөөд өндөлзөнө. Ширээнээс толгой нь илүү гарахгүй болохоор дээр нь байгаа вм сайн харагдахгүй болохоор гараараа тэмтэрээд гарт дайралдсанаа авах гэж ээжийгээ сандаргана. Интернэд үзэхээр компьютер булаацалдаад, товчлууруудыг нь санаан зоргоороо нүдээд, дэлгэж өөрчлөгдөхийг нь хараад тас тас хөхрөнө.
Анх ном авч өгөхөд номнуудаа барьж аваад амандаа хийдэг байснаа сүүлийн үед хуудас хуудасаар нь эргүүлж үзээд, зурагнуудыг нь удаан ажиглаад, шулганахын. Цэцэрлэг дээрээ хөгжмийн хичээлд хамгийн дуртай, том хүүхдүүд нь дуулаад бүжиглэхээр алгаа ташаад чанга чанга инээнэ. Аавыгаа хэмнэлтэй хөгжим тавьж өгөхөөр хэмнэлээр нь хөдлөөд, шулганаад. Дээрээс хойш баяртай гэж гараа даллахыг зааж өгсөн чинь өчигдөр сурсан бололтой, ээжийгээ гараа далласан дуурайгаад гараа даллаад инээгээд.
Хэдэн долоо хоногын өмнө багш нь утасаар ярихын зааж өгчээ, утас барьж авангуутаа чихэн дээрээ ч биш дагзан дээрээ бариад шулганана. Цэцэрлэгээс нь авах гээд очихоор хаалга дуугараах чимээнээр инээд алдаад хамаг хурдаараа мөлхөж ирээд алгаа ташина. Тэврье гээд гараа тосохоор хоёр гараад алдлаад босоод ирэхийг нь харахаар өөрийгөө хорвоогын хамгийн жаргалтай, хамгийн азтай хүн гэдэгээ мэдэрээд сайхан юмаа ээж байх.
Аав ээж хоёр нь хорвоод ганцхан байдаг цирк үзэж байгаа юм шиг хөгжилтэй, жаргалтай байх юмаа.

Jul 11, 2012

Манан

Гадаах бүрхэг тэнгэр шиг сэтгэл ч бас бүрхэг байнаа. Битүү манантай, хүйтэн ойд төөрчихсөн аятай хаашаа явахаа мэдэхээ байчихлаа. Энэ замаар яваад байвал гарц байгаа болвуу?

Jul 5, 2012

Уран гартануудын хийсэн Эсгий бүтээгдэхүүнүүд


Эзэгтэй та өөрийн гараар хийсэн бүтээлээр гэрээ чимээд үзээрэй таны хайраа шингээж уралсан бүтээл гэрийг чинь улам чимнэ шүү.

Эсгийгээр хийсэн тоглоомууд

Машинаа унаад давхиарай
Эсгийгээр уралсан тоглоомнууд мод бусад материалаар хийсэн тоглоомуудыг бодвол аюулгүйн дээр эрүүл мэндэд хоргүй. Эсгий 100% байгалын гаралтай бүтээгдэхүүн учир хүүхдүүдэд маань хор болохгүй.
Бас ээжийн хайраа шингээн уралсан, хорвоо дээр цор ганц тоглоом шүү дээ.
Вакцинаа хийлгээрэй жаалуудаа

ээжийн уралсан ном

Эсгий юу даавуу юу


(Хатуу эсгий 1мм)
Монголчууд бидний өвөг дээдэс эсгийг хэрэглээнээс урлаг болтол хөгжүүлж чадсан гайхалтай авъяастанууд. Даанч нүүдлийн амьдралд маань зохицсон эсгий урлалыг орчин үеийн хотын амьдралд хэрэглэхэд хэцүү, эсгий ширдэг дэвсэхээс нэг их хэтэрч хэрэглэж чадахгүй байдалтай байгаа шүү дээ. Тэгвэл Монголоос бусад оронд энэ эсгий урлал хэрэглээ болжээ. Их сургууль төгссөн жилээ манай тэнхим дээр (МУИС-Антропологи-Архерологийн тэнхим) мастерийн ажилын судалгааны ажилаа хийхээр ирсэн Голлонд охинд туслах даалгавар багшаас авч танилцсан түүхтэй найз байдаг юм. Тэр зун төрсөн өдөрөөр ээж нь Голландаас бэлэг явуулсан нь ногоон өнгөтэй нимгэн эсгийгээр хийсэн түрийвч, дотор нь этниз стилийн мөнгөн ээмэг байлаа. Бид 2 эхлээд бэлэгийн задалж үзээс эсгий, мөнгөнөөс их юмгүй Монголд байгаа хүнд ийм бэлэг явуулжээ гэж инээсэн боловч, Монгол эсгийнээс илүү боловсруулалт сайтан байсанд нь гайхаад л өнгөрч байлаа.
 Тэгвэл тэр нягт, өнгө будаг сайтай эсгийнгүүд энд байнаа, хатуу, зөөлөн, зузаан, нимгэн, хээтэй, хээгүй гээд л.


(Зөөлөн эсгий 1мм)

Жинхэнэ утгаар нь хэрэглээ болжээ. Хүүхдийн тоглоом, ханын цаг, хуанли хүссэн бүгдээ л хийж болдоно.

 
(Хээтэй эсгий 1мм)

Шинэ Хобби-хэрэглээний эсгий урлал

Саяханаас нэг шинэ хоббитой болсоон. Юу вэ гэвэл эсгий урлал, гэхдээ бидний мэддэг Felt Art бус жинхэнэ хэрэглээний урлал. Охиндоо тоглоом авч өгөх гэхээр хүүхдийн эрүүл мэндэд аюултгүй түүхий эдээр хийсэн тоглоомууд голдуу байдаг болохоор ер нь их үнэтэй. Алгын чинээ бамбарууш 15-20000 вон. 1 ойтой хүүхэд эвлүүлж тоглодог даавуугаар хийсэн 4 хос шоо гэхэд л 25000, органик даавуугаар хийсэн гээд тайлбар тавьчихсан байна. Тэгээд өөрөө тоглоом хийж өгье гэж бодоод эрэл сурал болтол энэ хэрэглэээний эсгий урлал гэгчийг оллоо. Эсгийгээ худалдаж аваад хийчих юмаа. Хийж сурч байгаа хүмүүс эсгээд бэлдчихсэнийг нь аваад хийчихээр юм. Хялбархан, хямдхан, хамгийн чухал нь эрүүл мэндэд хоргүй бас миний зулзага ээжийхээ хийсэн тоглоомоор тоглоно гэдэг чинь сайхан юмаа.




Бас охины үс нь ургаад өөрөө боолт хийж өгөхөөр шийдсэн. Хэрэгтэй материалуудыг нь бүгдийг нь зарах юмаа.
Зурган дээрх мобилийг би хийгээгүй шүү нэтээс зургыг нь авчихлаа бусдыг нь өөрөө хийж үзсэн, хөөрхөн л болдог юм байна. Мобил гэсэнээс манай охиныг төрөхөд авга эгч нар нь зөндөө бэлэг бэлдэг явуулсаны нэг нь толгой дээр нь зүүдэг хуванцаг мобил байлаа. Нэг шөнө охин гэнэт час хийгээд уйлахаар нь сэрээд хартал нөгөө мобил чинь охины толгой дээр уначихсан байдаг байгаа. Энэ эсгий мобил унасан ч зөөлөн болохоор хүүхэд гэмтээхгүй. Ээжүүд маань мэддэг байлгүй дээ, хүүхэд төрсөний дараа эхний нэг сар өнгө ялгадаггүй тул хар цагаан өнгийн мобил хэрэглэдэг юм билээ. Бид 2 ганцран сар хэрэглэх юм чинь гээг цаасыг хараар будаж байгаад хар цагаан алаг цаасан шоогоор мобил хийж өгч байлаа. Охин маань туулай жилтэй болохоор туулайтай үсний боолт хийж өгөөд, хөөрхөн гэж жигтэйхэн. Тоглоомондоо ч нугасгүй, барьсан болгоноо амталж үздэг болохоор хуванцар, модон тоглоомуудыг бодвол бэртчих вий, хор болчих вий гэж айх аюулгүй амар юмаа. Тэгээд сайхан хоолыг олуулаа хувааж идвэл бүүр амттай болдог учираас олонтойгоо хуваалцая гэж бодоод энэ шинэ хоббигоо Монголыхоо ээжүүдтэй хуваалцъя гэж шийдлээ.  

Jun 27, 2012

Хэцүү байна, ядарч байна гэж хэлэхгүй ээ

Би их нойртой, өдөрийн 12 цаг унтаад ч нойр ханадаггүй хүн дээ. Охиноо гарсанаас хойш бүтэн нойртой хонохсон гэдэг ганц хүсэл тээж явна. Мөлхдөг болсоноосоо хойш охин маань ясли дээрээ өдөржин нааш цааш холхиод, тоглоод ядардаг бололтой шөнөдөө овоо сайн унтдаг болсон чинь сүүлийн хоёр өдөр яг ид сайхан унтаж байтал сэрээд тас тас хөхрөөд суучихдаг байна шүү. Шөнийн 2 өнгөрч байхад сэрээд алгаа ташаад инээд алдаад, тонгочиж байснаа мөлхөж ирж мөөмөө хөхөөд, дахиж тонгочоод. Хөхүүл хүүхэдтэй ээжүүд мэднэ дээ хүүхэд хөхүүлэхэд ялангуяа шөнө хүүхэд хөхүүлхэд ямар их ядардаг билээ дээ. Охиноо бүгчимдээд байгаа юм болвуу гээд 3 хүртэл хөхүүлж байгаад үүрээд гарч салхилууллаа. Зун болохоор 4 дөхөөд гэгээ орчих юмаа. Гадаа гудамжинд хүүхдээ үүрээд л бүүвэй дуу аялаад л нааш цааш бараг цаг холхилоо ш дээ 2 шөнө. Бараг 5 дөхүүлж байж эргэж унтлаа. Нойрондоо харам болохоор охиноо шөнө сэрэхээр ёстой уур хүрэх юмаа. Ядаж нөхөр хүүхдээ огт унтуулж чаддаггүй, хүүхэд асрах тухайд ёстой нойл, хамт тоглож л мэднэ. Хичээл ном, ар гэрийн ажил, хүүхдээ асрах гээд бүгдийг зэрэг амжуулах амаргүй юмаа. Заримдаа ар гэрийн ажилаас арай дэндүү залхах юмаа, нөхөр ажил ихтэй тул гэрийн ажилд туслана гэж түүхэнд байхгүй, үүрээр гараад шөнө орж ирдэг хүнд тоос сорогч бариулалтай биш дээ. Би хүнтэй суувал гэрийн ажил хийхгүй гэж боддог байлаа, баяжаад гэрийн үйлчлэгч хөлсөлчих юм чинь гэж мөрөөддөг байлаа. Өндөөртөө амжихгүй ч хэдэн жилийн дараа баяжинаа яахуу!!!!!